«Ciažkaja noč dla Chiersona. Rasijskaja armija praciahvaje abstrelvać damy chiersoncaŭ u centralnaj častcy horada», — napisaŭ u svaim telehramie kiraŭnik Chiersonskaj abłasnoj vajennaj administracyi Alaksandr Prakudzin.
Pa jaho słovach, kala 00:50 rasijanie abstralali žyły dom, u vyniku čaho ŭ vaśmi žycharoŭ dyjahnastavali situacyjnuju nieŭratyčnuju reakcyju. Adnaho čałavieka špitalizavali.
Padčas tušeńnia pažaru paciarpieła dvoje ratavalnikaŭ — ich dastavili ŭ balnicu z ahulnym pierahrevam cieła.
Praz paŭhadziny rasijanie praciahnuli abstrelvać horad. U vyniku traplańnia artsnarada ŭ dom zahinuła 59-hadovaja žančyna, 60-hadovy mužčyna atrymaŭ kantuziju.
Kala 03:15 dom znoŭ byŭ atakavany — 93-hadovaja žančyna atrymała ranieńni. Ź minna-ŭzryŭnoj traŭmaj i kantuzijaj jaje špitalizavali.
Kiraŭnik Ofisa prezidenta Andrej Jarmak udakładniŭ, što nočču rasijanie ŭdaryli pa žyłym 9-paviarchoviku, jon taksama pakazaŭ fota achoplenaha ahniom doma, jak piša «Ukrainskaja praŭda».
Kamientary