Vajna44

Ukrainskija vojski zajšli ŭ Kazačyja Łahiery na levym bierazie Dniapra — rasijskija vajenkary

U siońniašnich dopisach vajenkaraŭ šmat paniki: ukrainski desant zmoh zajści ŭ častku nasielenaha punkta nasuprać Chiersona. Kantrol nad Kazačymi Łahierami stvaryŭ by mahčymaść dla naviadzieńnia pierapravy cieraz Dniapro.

Ab pośpiechu ŭkrainskich vojskaŭ pieršym napisaŭ rasijski błohier Trynaccaty, jaki vajuje ŭ Chiersonskaj vobłaści.

«Na fonie navin ab źniaćci z Chiersonskaha kirunku bajazdolnych padraździaleńniaŭ PDV (desantnych vojskaŭ, samych bajazdolnych adzinak rasijskaj armii. — «NN») i pieravodzie ich na Zaparožski kirunak, ja chacieŭ by sioje-toje zaŭvažyć. Praciŭnik paśpiachova zamacavaŭsia na našym bierazie Dniapra, zaniaŭ nasieleny punkt Kazačyja Łahiery i navat užo prarvaŭ pieršuju liniju našaj abarony, jakaja ŭ bolšaści składajecca z mabilizavanych, a taksama prasunuŭsia na 800 mietraŭ. Heta vielmi ch..vaja tendencyja. Kali jany naviaduć pierapravu i zmohuć rabočuju arhanizavać pierapravu, to heta budzie, miakka kažučy, chranova», — napisaŭ błohier Trynaccaty.

Vajenkaraŭski telehram-kanał «Dva majory» zajaŭlaje pra najaŭnaść u šerahach ukrainskaj šturmavoj hrupy «najomnikaŭ». Heta zvyčajny pryjom rasijskich prapahandystaŭ kožny raz, kali na froncie adbyvajucca niaŭdačy.

«Praciŭnik ranicaj vysadziŭ da siami łodak desanta. Čułasia ŭ pierachopach havorka polskich i hruzinskich najmitaŭ, — piša «Dva majory». — Kab nie dapuścić fłanhavaha ruchu voraha pa našych akopach, padraździaleńni US Rasii adyšli na zachad ad Kazačych Łahieraŭ». I dadaje: «Situacyja kantralavanaja. Spačatku syhrali svaju rolu niedastatkovaja navučanaść i pilnaść vojskaŭ, suviaź i razumieńnie svajoj zadačy na piarednim krai abarony».

Ukrainskija vojski pierajšli ad abarony da nastupu prykładna ŭ mai. Prasoŭvańnie idzie pavolna, bo rasijskija vojski absalutna daminujuć u pavietry i ŭstanavili značnyja minnyja zaharody.

Najbolš ukrainskija vojski prasunulisia pad Bachmutam, jaki jany sprabujuć uziać u kleščy, a taksama ŭ rajonie Uremieŭskaha vystupu. Ale i tam, i tam prasoŭvańnie na 5—7 kiłamietraŭ zaniało bolš za dva miesiacy. 

Na levym bierazie Dniapra nasuprać Chiersona raniej ukrainskija vojski kantralavali tolki niezasielenyja astravy i dačnyja pasiołki ŭ nizkich miescach. Kantrol nad vialikim siałom Kazačyja Łahiery, raźmieščanym na hrudku, dazvoliŭ by ŭkraincam navieści takuju pierapravu, pa jakoj stała b mahčymym pierakidvańnie ciažkaha ŭzbrajeńnia. Płacdarm na levym bierazie Dniapra stvaryŭ by pahrozu z fłanha asnoŭnaj hrupoŭcy rasijskich vojskaŭ pad Zaparožžam.

U Kazačych Łahierach da vajny žyło kala 3700 čałaviek.

Kamientary4

  • Kavun
    08.08.2023
    pietia, ty žie jeŝie hod nazad primierno tožie samoje pisał i pro Chierson. Naviernoje i z na dvieriach tohda nakleił, ili užie sodrał etu putinskuju svastiku - simvoł rašizma i jeho priestuplenij?
  • Kijeŭ za 3 dni
    09.08.2023
    pietia, adkul ty Piecia možaš viedać što budzie, a što nie
  • Prizrak Kijeva i druhije skazki
    10.08.2023
    Piecia prosta analizirovać umieje
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy14

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy

Usie naviny →
Usie naviny

Tramp: Kali Iran znoŭ pačnie jadziernuju prahramu, my jaho chutka źniščym1

Śledam za servisami «Aerafłotu» ŭ Rasii lahli i «Dziaržpasłuhi»3

Śvietłahorskaha aktyvista Anatola Źmitroviča asudzili za paklop na Łukašenku

Łukašenka znoŭ sustreniecca z Pucinym1

Što stała pryčynaj śmierci troch rabotnikaŭ «Biełarusnafty» padčas ramontu na trasie1

Kitaj upieršyniu ŭvodzić hrašovyja vypłaty na dziaciej — 500 dalaraŭ u hod za kožnaje dzicia da troch hadoŭ2

U DTZ pad Varšavaj zahinuŭ biełarus1

U Breście zaŭvažyli adrazu čatyroch lis u adnym miescy. Tam ža byŭ i kot2

Nieŭzabavie majuć źjavicca novyja banknoty jeŭra. Jany ŭžo vyklikali polska-francuzskija sprečki22

bolš čytanych navin
bolš łajkanych navin

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy14

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy

Hałoŭnaje
Usie naviny →

Zaŭvaha:

 

 

 

 

Zakryć Paviedamić