Siłaviki prosiać biełarusaŭ fatahrafavać pieramiaščeńni vajskoŭcaŭ za miažoj — hałoŭny pamiežnik Litvy
Śpiecsłužby prosiać biełarusaŭ, jakija vyjazdžajuć za miažu, fatahrafavać pieramiaščeńni vajskoŭcaŭ na terytoryi susiedniaj dziaržavy. Pra heta siońnia zajaviŭ kiraŭnik Dziaržpahransłužby Litvy Rustam Lubajeŭ, piša Delfi.lt.
«U nas taksama jość infarmacyja, što viadziecca viarboŭka hramadzian Litvy, a taksama prosiać hramadzian Biełarusi, jakija jeduć u Litvu, zrabić peŭnyja fatahrafii, zafiksavać pieramiaščeńnie vajskovych častak na terytoryi Litvy, sfatahrafavać peŭnyja abjekty», — skazaŭ hienierał Lubajeŭ.
Jon znoŭ padkreśliŭ nieabchodnaść acenki ryzyk pry pajezdcy litoŭcaŭ u Biełaruś.
«Kožnamu hramadzianinu Litoŭskaj Respubliki, jaki jedzie ŭ Biełaruś, nahadaju, što jon pavinien acanić usie ryzyki, u tym liku dla svajho zdaroŭja i žyćcia», — padkreśliŭ Rustam Lubajeŭ.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary