Litoŭski deputat pra zakryćcio dvuch pamiežnych pierachodaŭ: Heta sihnał Łukašenku
Urad Litvy pryniaŭ rašeńnie ab zakryćci KPP Šumskas i Ćviaračus z 18 žniŭnia. Kiraŭnik parłamienckaha kamiteta nacbiaśpieki i abarony Łaŭrynas Kaščunas skazaŭ, što heta reakcyja na źmianieńnie situacyi la miežaŭ Litvy i rašeńnie dla abmiežavańnia kantrabandy, piša Delfi.
Pavodle słoŭ palityka, heta važny krok, jaki demanstruje, što Litva hatovaja reahavać na lubyja pravakacyi susiedniaj krainy. «My šlem sihnał tamu ž režymu Łukašenki, što kali pačnucca sistematyčnyja pravakacyi la miažy, abo źviazanyja z patokam nielehalnych mihrantaŭ, abo źviazanyja ź inšymi niuansami, to varyjantam moža być zakryćcio miežaŭ», — skazaŭ 16 žniŭnia ŭ intervju na LRT Kaščunas.
Važnym faktaram źjaŭlajecca nie tolki mihracyja i «Vahnier» u Biełarusi, ale i maštaby kantrabandy cyharet, zaŭvažyŭ deputat. Tamu, pavodle jaho słoŭ, zakryćcio KPP budzie spryjać baraćbie z kantrabandaj.
«Hetyja zakryćci KPP patrebnyja dla kantrolu patokaŭ kantrabandy. Ja chaču nahadać, što kantrabanda cyharet — heta vielizarny biznes-prajekt režymu Łukašenki, jany nažyvajucca na hetym», — padkreśliŭ Kaščunas.
Paśla spynieńnia ruchu praz vyšejzhadanyja KPP supracoŭniki pamiežnaha kantrolu buduć pieraviedzieny na inšyja KPP. Transpartnyja patoki buduć nakiravany na niadaŭna rekanstrujavany KPP Miedniki. Tam vykarystoŭvajecca sistema renthienaŭskaha kantrolu, jakoj niama na KPP Ćviaračus i Šumskas.
Ciapier praz KPP Šumskas prachodzić tolki lehkavy transpart, praź Ćviaračus prachodzić lohki transpart i pusty hruzavy transpart. Na miažy Polščy ź Biełaruśsiu pracuje adzin KPP, na miažy Łatvii — dva, a na miažy ź Litvoj — šeść (ad zaŭtra budzie čatyry).
Hienieralny dyrektar departamienta mytni Darus Žvironas śćviardžaŭ, što zakryćcio KPP Šumskas i Ćviaračus nie parušyć ruchu tavaraŭ praź miažu ź Biełaruśsiu.
Litva ŭsio ž zakryvaje dva punkty propusku na miažy ź Biełaruśsiu
Biełarusy raskazali, što adbyvajecca na miažy ź Litvoj napiaredadni mahčymaha zakryćcia KPP
Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy
Prezident Polščy raskazaŭ, što pavinien zrabić Minsk dla palapšeńnia adnosin z Varšavaj
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija21
Kamientary