«Čałaviek składanaha losu, i pamyłki ŭ jaho byli surjoznyja ŭ žyćci». Pucin vykazaŭ šmatsłoŭnyja spačuvańni siamji Pryhožyna
Prezident Rasii Uładzimir Pucin praz sutki paśla katastrofy samalota «Embrajer» u Ćviarskoj vobłaści, padčas jakoj, jak miarkujecca, zahinuŭ zasnavalnik PVK «Vahnier» Jaŭhien Pryhožyn razam z paplečnikami, krychu vykazaŭsia pra jaho.
Pucin vykazaŭ spačuvańnie siemjam zahinułych i zhadaŭ pra svajo ŭłasnaje znajomstva z Pryhožynym:
«Pryhožyna ja viedaŭ vielmi daŭno, z pačatku 90-ch hadoŭ. Heta byŭ čałaviek składanaha losu, i pamyłki ŭ jaho byli surjoznyja ŭ žyćci, i dasiahaŭ jon vynikaŭ patrebnych. I dla siabie, i tady, kali ja prasiŭ jaho pra heta dla ahulnaj spravy, jak voś u hetyja apošnija miesiacy».
Jon nazvaŭ Pryhožyna «talenavitym biznesmienam», jaki pracavaŭ i za miežami Rasii, u pryvatnaści ŭ Afrycy:
«Zajmaŭsia tam naftaj, hazam, kaštoŭnymi mietałami i kamianiami. Voś jon učora tolki, nakolki mnie stała viadoma, viarnuŭsia z Afryki. Sustrakaŭsia tut ź niekatorymi aficyjnymi asobami. Ale što absalutna dakładna, mnie pra heta dakładvaŭ siońnia z ranicy kiraŭnik Śledčaha kamiteta. Jany pačali ŭžo papiaredniaje rasśledavańnie hetaha zdareńnia».
Adnosna ž vahnieraŭcaŭ Pucin skazaŭ:
«Heta ludzi, jakija ŭnieśli istotny ŭkład u našu ahulnuju spravu baraćby ź nieanacysckim režymam va Ukrainie. My pra heta pamiatajem, viedajem i nie zabudziem».
Čytajcie taksama:
Źjaviłasia jašče adna viersija vybuchu ŭ samalocie Pryhožyna
«Pucin nie daruje». Analityki pra incydent z Pryhožynym i budučyniu vahnieraŭcaŭ u Biełarusi
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1515
Kamientary