Novuju viersiju vybuchu ŭ samalocie Jaŭhiena Pryhožyna apublikavaŭ kanał «Baza», pryčym nazvaŭ jaje «asnoŭnaj».
Pavodle infarmacyi krynic «Bazy», vybuch samarobnaj bomby adbyŭsia ŭ servisnym adsieku ŭ rajonie sanvuzła. Pryčym śledčyja nie vyklučajuć, što na borcie «Embrajera» mahło być dva vybuchovyja prystasavańni.
«Viersija ab užyvańni SPA nie pryjarytetnaja», — nastojvaje «Baza». Nibyta na detalach «Embrajera» «zanadta mała paškodžańniaŭ ad šrapnieli». Akramia taho, padčas padzieńnia samalota ŭ niebie nie było vidać inviersijnych śladoŭ rakiety, piša kanał.
«Pakul usio pakazvaje na toje, što vybuch adbyŭsia ŭ servisnym adsieku ŭ rajonie chvastavoj častki samalota, jakaja ŭpała za niekalki kiłamietraŭ ad fiuzielaža. Z adsieka, jaki adnačasova źjaŭlajecca hruzavym, jość dostup i da tualeta, raźmieščanaha ŭ chvaście. Kil «Embrajera» zastaŭsia praktyčna cełym», — piša kanał.
Pa viersii krynic «Bazy», bomba naŭrad ci była ŭstalavanaja ŭ adsiek šasi: pobač raźmieščanyja paliŭnyja baki i pry detanavańni samarobnaha vybuchovaha prystasavańnia ŭ hetym miescy samalot byŭ by ahornuty ahniom užo pry padzieńni.
Rasśledavańnie śledčyja, pavodle «Bazy», pačali z adpracoŭki etapu techničnaha absłuhoŭvańnia samalota ŭ Šaramiećcievie pierad vyletam u Sankt-Pieciarburh. Sa słoŭ krynic, asabliva śledčych cikaviła, ci jość novyja supracoŭniki, jakija tolki niadaŭna vyjšli na pracu.
Da hetaha źjaviłasia infarmacyja, što vybuchoŭka mahła być zakładzienaja ŭ adsiek šasi samalota Pryhožyna.
Aficyjnaj infarmacyi na hety kont niama.
Bort Jaŭhiena Pryhožyna Embraer ERJ-135BJ Legacy 600 raźbiŭsia ŭ niebie nad Vałdajem za 50 km ad rezidencyi Pucina 23 žniŭnia.
Chto tyja ludzi, što zahinuli ŭ avijakatastrofie razam z Pryhožynym
«Za 22 siekundy bort upaŭ na 2,5 kiłamietra». Flightradar24 apublikavaŭ dakładny hrafik padzieńnia samalota Pryhožyna
Na miescy krušeńnia samalota znojdzieny telefon Pryhožyna
Pobač ź miescam padzieńnia samalota Pryhožyna stajała čatyry dyvizijony S-300 — The Moscow Times
Kamientary