Sudździa suda Viciebskaha rajona Michaił Zubienia 10 žniŭnia za zachoŭvańnie i raspaŭsiudžvańnie publikacyj, jakija ŭłady vyznačyli jak «ekstremisckija», pakaraŭ aryštam na 13 sutak žychara Viciebskaha rajona Furkata Ryzajeva, paviedamlaje «Viciebskaja viasna».
Na sudovym pasiedžańni byli ahučanyja materyjały spravy, ź jakich vynikaje, što Furkat na svajoj staroncy ŭ sacyjalnaj sietcy «Adnakłaśniki» zachoŭvaŭ i raspaŭsiudžvaŭ materyjały ź infarmacyjnych resursaŭ STOP LUKA i «Vadzicieli 97».
U sudzie Ryzajeŭ vinavatym siabie nie pryznaŭ, zaznačyŭšy, što jon nie viedaŭ, što materyjały, vyjaŭlenyja na jaho staroncy ŭ sacyjalnaj sietcy, byli pryznanyja sudami «ekstremisckimi».
Tym nie mienš, sudździa Zubienia pryznaŭ mužčynu vinavatym i na padstavie č. 2 art. 19.11 KaAP pakaraŭ jaho aryštam na trynaccać sutak i kanfiskavaŭ u dachod dziaržavy mabilny telefon, jaki jamu naležaŭ.
Kamientary