Суддзя суда Віцебскага раёна Міхаіл Зубеня 10 жніўня за захоўванне і распаўсюджванне публікацый, якія ўлады вызначылі як «экстрэмісцкія», пакараў арыштам на 13 сутак жыхара Віцебскага раёна Фурката Рызаева, паведамляе «Віцебская вясна».
На судовым паседжанні былі агучаныя матэрыялы справы, з якіх вынікае, што Фуркат на сваёй старонцы ў сацыяльнай сетцы «Аднакласнікі» захоўваў і распаўсюджваў матэрыялы з інфармацыйных рэсурсаў STOP LUKA і «Вадзіцелі 97».
У судзе Рызаеў вінаватым сябе не прызнаў, зазначыўшы, што ён не ведаў, што матэрыялы, выяўленыя на яго старонцы ў сацыяльнай сетцы, былі прызнаныя судамі «экстрэмісцкімі».
Тым не менш, суддзя Зубеня прызнаў мужчыну вінаватым і на падставе ч. 2 арт. 19.11 КаАП пакараў яго арыштам на трынаццаць сутак і канфіскаваў у даход дзяржавы мабільны тэлефон, які яму належаў.
Цяпер чытаюць
«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля1
Каментары