Kultura11

«Biełaruski vajb» — novy prajekt Alesia Čachoŭskaha

Były vykanaŭčy dyrektar Biełaruskaj rady kultury, pradziusar Aleś Čachoŭski zapuściŭ novy jutub-prajekt. Raspaviadajem, pra što jon.

Aleś Čachoŭski Aleś Čiechovskij Ales Chakhovsky
Aleś Čachoŭski ŭ pošukach biełaruskaha vajbu ŭ Vašynhtonie. Skryn videa

U anonsie prajekta Čachoŭski nazyvaje asnoŭnyja temy, na jakija jon budzie źviartać uvahu padčas svaich padarožžaŭ u inšyja krainy: «Biełarusy — seksi ci nie?», «Ci žyvie biełaruskaja mova pa-za miežami krainy?», «Biełaruś — tam, dzie biełarusy?», «Što takoje «biełaruski vajb?».

Aŭtar zaprašaje hledačoŭ adpravicca razam ź im u padarožža pa śviecie i paznajomicca z «kłasnymi biełarusami i biełaruskami», pahladzieć, čym jany žyvuć i čamu hanaracca tym, što zavucca biełarusami.

Čachoŭski spadziajecca vyśvietlić, što dla biełarusaŭ zamiežža siońnia jość biełaruskaść i jakim čynam jany stvarajuć svoj biełaruski vajb pa-za miežami Biełarusi.

Akramia taho, aŭtar kanała abiacaje cikavyja spatkańni ź ludźmi inšych nacyjanalnaściej, u jakich jość biełaruskija albo niebiełaruskija karani. Jon budzie vyśviatlać, što jany viedajuć pra biełarusaŭ i ci zhodnyja z tym, što biełarusy seksi. Asobnaj temaj budzie reakcyja zamiežnikaŭ na biełaruskaje mastactva i muzyku.

U pieršym vypusku Aleś Čachoŭski raspaviadaje pra svaje sustrečy ŭ Vašynhtonie. Siarod jaho surazmoŭcaŭ — biełaruska, uładalnica kaviarni Sweet Lemon Cafe Aksana Tren, jakaja raspaviała pra svoj biznes i chaładnik ź miasam.

Druhim hierojem rolika staŭ stratehičny analityk u łahistycy i hramadski aktyvist Dzianis Baranaŭ, jaki ŭžo 20 hadoŭ žyvie ŭ ZŠA. Dzianis patłumačyŭ, jak zastavacca biełarusam za miažoju i čamu jamu nikoli nie nadakučyć tłumačyć ludziam, što takoje Biełaruś.

Čachoŭski znajomić hledačoŭ z «amierykanskim jaŭrejem ź biełaruskaj dušoj i karaniami» Džejmsam Dojčam, adnym z kaardynataraŭ Smithsonian Folklife Festival. Mužčyna zachaplajecca tvorčaściu mastakoŭ biełaruskaha pachodžańnia. Džejms trojčy byŭ u Biełarusi i vykładaŭ u niekalkich univiersitetach.

Akramia taho, ukrainiec ź biełaruskimi karaniami Fiodar Misurahin zładziŭ dla Čachoŭskaha nievialikuju ekskursiju pa budynku Kanhresa ZŠA, a arhanizatar zaniatkaŭ tanha ŭ Arlinhtanie Ron Niuhier zhadaŭ pra svaje biełaruskija karani i raspavioŭ pra tradycyjnuju biełaruskuju stravu, jakuju hatavali ŭ jaho siamji i jakuju jon ličyŭ tradycyjnaj jaŭrejskaj.

Nie zastałasia pa-za ŭvahaj i prablema, jakoj Čachoŭski zajmajecca niekalki hadoŭ, — reidentyfikacyja mastakoŭ biełaruskaha pachodžańnia — zamiena ŭ muziejach i halerejach paznaki ab krainie pachodžańnia mastakoŭ ź Biełarusi. Da hetaha času takoj krainaj paznačana Rasija. 

Usim svaim surazmoŭcam Aleś zadavaŭ pytańnie, ci ličać jany biełarusaŭ seksi. Daviedacca adkaz i pasłuchać jaho abhruntavańnie možna, pahladzieŭšy pieršuju sieryju prajekta.

Čytajcie jašče:

«Niama skandału — moža, i na žal». Čachoŭski pakidaje Radu kultury

Pradziusar Alaksandr Čachoŭski — pra raskrutku Marharyty Laŭčuk, zajzdraść i psieŭdapurytanstva

Kamientary1

  • Ilja
    04.09.2023
    Ssyłku by

Ciapier čytajuć

Za palityku asudzili šmatdzietnaha baćku-viernika. Jaho žonka pamierła dva hady tamu5

Za palityku asudzili šmatdzietnaha baćku-viernika. Jaho žonka pamierła dva hady tamu

Usie naviny →
Usie naviny

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

Dyrektarka dziciačaha centra, dzie razmaŭlajuć vyklučna na ruskaj, abvinavačvaje čynoŭnikaŭ i dziaržaŭnych žurnalistaŭ u chłuśni27

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Rabavańni, zhvałtavańni i navat kradziež adzieńnia z truny: Minsk kryminalny pry Stalinie2

Zialenski: Łukašenka baicca i pieraniasie vučeńni dalej ad miažy z Ukrainaj16

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

bolš čytanych navin
bolš łajkanych navin

Za palityku asudzili šmatdzietnaha baćku-viernika. Jaho žonka pamierła dva hady tamu5

Za palityku asudzili šmatdzietnaha baćku-viernika. Jaho žonka pamierła dva hady tamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić