U Jeŭropie źbirajucca navieści paradak z pravozam ručnoj pakłažy ŭ samalotach
Kamitet Jeŭraparłamienta prapanavaŭ avijakampanijam harantavać pasažyram biaspłatny pravoz ručnoj pakłažy, pakolki niekatoryja pieravozčyki ŭvodziać ich u zman tym, što prapanujuć tannyja kvitki i zamoŭčvajuć fakt spahnańnia dadatkovych zboraŭ.
Rezalucyja Jeŭraparłamienta, jakaja prapanuje ŭviadzieńnie adzinych pravił dla avijakampanij, užo pryniataja. Adnak niezrazumiełym zastajecca, kali inicyjatyva pačnie ažyćciaŭlacca.
Rezalucyja Jeŭraparłamienta abaviazvaje avijakampanii vyzvalać pasažyraŭ ad dadatkovych zboraŭ za pravoz ručnoj pakłažy i publikavać poŭnuju infarmacyju ab dapuščalnych pamierach i vazie bahažu, a taksama ab dadatkovych vydatkach, takich jak płata za vybar miesca.
Sproby ŭvieści takija praviły robiacca z 2014 hoda, kali była vypracavanaja kancepcyja biaspošlinnaha ŭvozu ručnoj pakłažy: «razumnaja» vaha bahažu była rekamiendavanaja dla avijapieravozak biez dadatkovaj płaty. Ale kamitet Jeŭraparłamienta šukaje mahčymaści ŭvasobić jaje ŭ žyćcio dahetul.
Ciapier na situacyju znoŭ źviarnuli ŭvahu. Aŭtary rezalucyi prapanujuć vyznačyć tyja samyja «razumnyja miežy» i zaklikajuć usie 27 krain — čalcoŭ ES pryniać adzinyja praviły. Situacyja, kali kožny avijapieravozčyk vyznačaje ŭłasnyja normy pieravozki ručnoj pakłažy biez dapłaty, moža karennym čynam źmianicca.
U Jeŭropie raspracoŭvajuć hipierhukavy samalot, jaki źmienić pasažyrskuju avijacyju
Nas čakaje bolš stresaŭ u palotach: z-za źmieny klimatu turbulentnaść stanovicca bolš častaj źjavaj
«Paloty ŭ Jeŭropu — heta była takaja asałoda». Byłaja ściuardesa «Biełavija» raskazała pra ŭnutranuju kuchniu avijakampanii-manapalista
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary