Dva biełarusy paciarpieli ŭ vyniku rakietnych abstrełaŭ u Izraili
Dva biełarusy — maci i syn — paciarpieli ŭ vyniku rakietnych abstrełaŭ horada Aškiełona. Horad znachodzicca na paŭdniovym zachadzie Izrailu, paviedamlaje MZS Biełarusi.
Paciarpiełych špitalizavali, im akazvajuć miedycynskuju dapamohu. Stan adnaho ź ich aceńvajecca jak vielmi ciažki. Kaho mienavita, nie ŭdakładniajecca. Imiony paciarpiełych nie nazyvajucca.
U źniešniepalityčnym viedamstvie adznačyli, što ŭ suviazi z rezkim abvastreńniem situacyi ŭ Izraili za minułyja sutki ŭ pasolstva Biełarusi ŭ Tel-Avivie z roznymi pytańniami źviarnułasia kala 30 biełarusaŭ.
Usim hramadzianam Biełarusi, jakija znachodziacca na terytoryi Izraila, rekamiendujuć stroha vykonvać ukazańni słužby tyłu i miascovych uładaŭ.
Telefon dla ekstrannaj suviazi z pasolstvam Biełarusi ŭ Izraili: +972 50 521 48 19.
Kamientary