Dzieci mohuć prapuskać u škole da piaci dzion biez daviedki — Minzdaroŭja
Hetaja norma dziejničaje na čas vysokaha ŭzdymu zachvorvańnia virusnymi infiekcyjami. Jaje moža admianić novaje rašeńnie Ministerstva achovy zdaroŭja.
Navučency z prykmietami vostrych reśpiratorna-virusnych infiekcyj mohuć adsutničać na zaniatkach biez daviedki da piaci dzion. Adpaviedny list nakiravała Ministerstva achovy zdaroŭja ŭ Ministerstva adukacyi, piša Office Life.
Rašeńniem Minzdaroŭja praduhledžana, što, kali dzicia adsutničaje na zaniatkach u dziciačym sadzie, škole, himnazii, kaledžy, univiersitecie na praciahu piaci dzion u suviazi z chvarobaj, daviedku ab časovaj niepracazdolnaści pakazvać nie treba.
Hetaja norma dziejničaje na čas vysokaha ŭzdymu zachvorvańnia virusnymi infiekcyjami. Jaje moža admianić novaje rašeńnie Ministerstva achovy zdaroŭja.
Sioleta, darečy, Ministerstva achovy zdaroŭja inicyjuje zamacavańnie hetaj normy ŭ dakumientach Minadukacyi na pastajannaj asnovie — z abmiežavańniami pa dapuščalnaj kolkaści takich piacidzionnych propuskaŭ u čverci abo siemiestry.
Ukazam Łukašenki №143 ad 24 krasavika 2020 hoda «Ab padtrymcy ekanomiki» mahčymaść trochi pachvareć biez balničnaha praduhledžana i dla darosłych.
Dakumientam rehłamientavana, što najmalnik maje prava vyzvalać rabotnika ad pracy ŭ suviazi ź jaho chvorym stanam na termin da troch kalandarnych dzion biez balničnaha. Praŭda, važna pamiatać, što heta prava, a nie abaviazak najmalnika.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary