Mody11

Piać raspaŭsiudžanych pamyłak pry vybary abutku na chałodny siezon

Da vybaru harderoba na chałodny siezon varta padychodzić asabliva adkazna: kali letam promachi amal nie adčuvalnyja, u chałodnuju paru niaŭdałyja adzieńnie i abutak mohuć kaštavać zdaroŭja. Jak znajści idealnyja čaraviki, jakija buduć sahravać?

Paźbiahajcie hetych pamyłak i kamfort vam zabiaśpiečany.

Ranica — nie čas dla šopinhu

Kali praź niekatory čas vy prymiarajecie śviežanabytuju paru i nie razumiejecie, čamu jana raptam pačała vam padciskać, zadumajciesia, ci nie ranicaj prachodziŭ vaš šopinh. Pamier stupni źmianiajecca na praciahu sutak: u pieršaj pałovie dnia, paśla načnoha adpačynku, jana mienšaja, a da viečara źlohku aciakaje ad doŭhaj chady abo siadzieńnia. Tamu vybirać abutak lepš paśla abiedu.

abutak
Fota: unsplash.com

Kali mahčymaści adkłaści šopinh niama, abaviazkova zachavajcie ček i prymiercie paru pa viartańni dadomu. U vypadku promachu z pamieram — adniasicie boty nazad u kramu.

Abutak «pamier u pamier»

Jašče adna častaja pamyłka — kuplać vosieńskija čaraviki «pamier u pamier». Abutak na chałodny siezon pavinien sahravać nahu, a dla zachavańnia ciapła nieabchodna pavietra. Zanadta ščylny abutak jaho vycieśnić. Akramia taho, ciesnyja boty parušajuć krovazvarot, što taksama ŭpłyvaje na pačućcio choładu.

abutak
Fota: unsplash.com

Pry vybary ciopłaha abutku važna brać jaho na paŭpamiera-pamier bolš. Uličvajcie, što ŭ mocnyja chałady vam mohuć spatrebicca ciopłyja škarpetki — miesca pavinna zastavacca i dla ich.

Uvaha na padešvu

Kali na nahach niapravilny abutak, mokraje liście abo hałalod mohuć stać sapraŭdnym vyprabavańniem. Nie paśliznucca dapamohuć čaraviki z ryflenaj padešvaj ci padešvaj-pratektaram. Nie zabyvajcie i ab ciepłyni: kab maroz nie dabraŭsia da vašych piatak, taŭščynia padešvy pavinna być nie mieniej za 1-1,5 santymietra.

abutak
Fota: unsplash.com

Pryčynaj niaŭdałych padzieńniaŭ moža stać i abcas. Pamiatajcie, što asieńnie-zimovy abutak na im nie praduhledžvaje doŭhich prahułak — pieramiaščacca ŭ takim lepš na taksi. Ale, kali vy nie ŭjaŭlajecie žyćcia biez takoha abutku, a zamiest taksi karystajeciesia hramadski transpartam, addajcie pieravahu ŭstojlivym madelam z abcasam da 5 santymietraŭ.

Dla tych, chto lubić haračejšaje

Štučny ŭciaplalnik vydatna spraŭlajecca z tempieraturaj da +3, ale ź nižejšaj — drenna. Tym, kamu važna trymać nohi ŭ ciaple, varta źviarnuć uvahu na ŭciaplalniki z naturalnaha futra. Rekardsmienam pa ŭtrymańni ciapła źjaŭlajecca aŭčyna: pavietranaja prasłojka pamiž varsinkami padtrymlivaje patrebnuju tempieraturu i nie daje naham zmakać.

Darečy, aviečaj vuściłkaj možna aphrejdzić i demisiezonny abutak. Hałoŭnaje — nie zabyvać čas ad času jaje dastavać i dobrańka prasušvać.

Nie tolki skura

Sučasnyja technałohii dazvalajuć atrymlivać skurzam, jaki pa jakaści ni ŭ čym nie sastupaje naturalnaj skury. Choć i kaštujuć takija madeli nie tanna, zatoje majuć niekalki pieravah pierad zvyčajnym skuranym abutkam. Naprykład, skurzam nie tak pakutuje ad solaŭ i chimikataŭ, jakimi bahata pasypajuć vulicy ŭ śniežny čas.

abutak
Fota: unsplash.com

Spadabałasia para ź jakasnaha skurzama? Pahladzicie, z čaho pašyty abutak znutry: da nahi pavinny datykacca naturalnyja materyjały — skura, miech ci jakasny tekstyl. Kali ŭsio dobra — čaraviki śmieła možna kuplać.

Darečy, biełaruskija vytvorcy padrychtavali šmat cikavych madelaŭ dla hetaj vosieni. Prapanujem pahladzieć na samyja stylnyja ź ich.

Kamientary1

  • Paparać
    26.10.2023
    Samym lepšym varyjantam dla tych, kamu škada žyviołu, i tych, chto žadaje zabycca, što jon u abutku uvohule, raju źviarnuć uvahu na abutak, dzie adnym sa słajou budzie miembrana Gore tex. Šmat vytvorcau harads/ckoha abutku ź joj pracujuć užo hadou 10, nie havoračy pra vytvorcau turystyčnaha i spartyunaha abutku.

Ciapier čytajuć

Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m63

Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m

Usie naviny →
Usie naviny

Na holf-poli pad Minskam adkryli biaspłatnuju łyžnuju trasu2

U Biełarusi letaś rekordna źniziłasia kolkaść zabojstvaŭ6

U Stolinie studentka vylepiła sa śniehu vialikaha cmoka FOTAFAKT8

Stała viadoma, kali vyjdzie pieršy siezon novaha sieryjała «Hary Poter»3

U Vałožynskim ješybocie praviali staražytny abrad padpisańnia ktuby18

Startap ź biełaruskimi karaniami zaklučyŭ ździełku z Microsoft na 750 miljonaŭ dalaraŭ2

Aryna Sabalenka prajhrała finał Australian Open13

Rabotniki MNS pad Minskam vyratavali 28‑hadovaha chłopca, jaki zamiarzaŭ u poli1

Sinoptyki pałochajuć chaładečaj da 33 hradusaŭ

bolš čytanych navin
bolš łajkanych navin

Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m63

Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m

Hałoŭnaje
Usie naviny →

Zaŭvaha:

 

 

 

 

Zakryć Paviedamić