Hienprakuror raspavioŭ, kolki «ekstremisckich» złačynstvaŭ naličyła jaho viedamstva z 2020 hoda
U Biełarusi pa-raniejšamu idzie «praca pa vyjaŭleńni i likvidacyi arhanizacyj destruktyŭnaj nakiravanaści», a «kalektyŭny Zachad praciahvaje sproby destabilizavać abstanoŭku ŭ Biełarusi», zajaviŭ na forumie hienprakuroraŭ krain ŠAS hienieralny prakuror Biełarusi Andrej Švied, pieradaje «Sputnik».
Hienieralny prakuror Biełarusi Andrej Švied zajaviŭ, što z 2020 hoda ŭ krainie zarehistravali bolš za 16 tysiač złačynstvaŭ «ekstremisckaha» charaktaru. Pad hetym eŭfiemizmam chavajucca spravy palityčnaha tołku.
Jak skazaŭ Švied, u Biełarusi pa-raniejšamu praciahvajuć vyjaŭlać i likvidavać arhanizacyi destruktyŭnaj nakiravanaści. Tak łukašenkaŭcy nazyvajuć niepadkantrolnyja sabie inicyjatyvy.
Pavodle jaho, bolš za 70% złačynstvaŭ «ekstremisckaha» charaktaru ŭčyniena z vykarystańniem infarmacyjnych technałohij, tamu «infarmacyjnaj prastory siońnia nadadzienaja asablivaja ŭvaha».
Pa słovach Švieda, kolkaść ekstremisckich złačynstvaŭ u krainie «značna źmienšyłasia i pradaŭžaje źnižacca, a hramadska-palityčnaja situacyja stabilizavałasia».
Masavyja palityčnyja represii ŭ Biełarusi praciahvajucca z 2020 hoda, kali vybary supravadžalisia nierehistracyjaj i aryštami praciŭnikaŭ Łukašenki i naziralnikaŭ na vybarčych učastkach. Niahledziačy na heta, Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhravaŭ Śviatłanie Cichanoŭskaj, ale nie addaŭ ułady.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ.
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
-
Ci moža Ihar Sierhiejenka, jaki znachodzicca ŭ sankcyjnym śpisie Jeŭrasajuza, trapić u Vatykan? Akazvajecca, lohka!
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary