«Rasijskija sałdaty pavinny syści na svaju ŭłasnuju ziamlu. Jany pavinny syści».
Prezident Ukrainy Uładzimir Zialenski zajaviŭ, što adkryty dla mirnych inicyjatyŭ inšych krain, adnak adchiliŭ mahčymaść kampramisu z RF. «Čamu vy dumajecie, što kraina, jakaja znachodzicca ŭ stanie vajny, kraina, na jakuju napali, pavinna być hatovaja da kampramisu? Rasijskija sałdaty pavinny syści na svaju ŭłasnuju ziamlu. Jany pavinny syści. Heta realny sposab spynić vajnu», — padkreśliŭ jon padčas vystupu praź videasuviaź na kanfierencyi Reuters NEXT u Ńju-Jorku ŭ sieradu, 8 listapada, piša Delfi.
«Kali kampramisam stanuć našy terytoryi, to vy pavinny razumieć, što budzie ŭ inšych rehijonach, na inšych kantynientach. Z hetaha momantu paŭsiul terytoryi inšych krain buduć pad pahrozaj», — dadaŭ Zialenski.
Jon adznačyŭ, što Ukraina «hatovaja pačuć lubyja hałasy, kali jany nie rasijskija» i praduhledžvajuć vyvad rasijskich vojskaŭ z ukrainskich terytoryj. U tym liku ŭ Kijevie hatovyja prysłuchacca da prapanoŭ Brazilii, ZŠA, Kitaja, afrykanskich krain.
«My kažam, što my možam padzialać vašyja idei, heta narmalna. Tolki našy 10 punktaŭ (ukrainskaj formuły miru) — nie dohma. Ale ŭsie prapanovy pavinny być zasnavanyja na adnoj idei, inakš my nikoli nie znojdziem rašeńnia», — skazaŭ prezident Ukrainy.
Havoračy pra dyskusii ŭ ZŠA ab mahčymym skaračeńni vajskovaj i finansavaj dapamohi Ukrainie, Zialenski zaŭvažyŭ, što niekatoryja vykazvańni pradstaŭnikoŭ Respublikanskaj partyi «sapraŭdy niebiaśpiečnyja». «Viadoma, našy ludzi bajacca takich hałasoŭ», — skazaŭ jon.
Adnak, sa słoŭ Zialenskaha, navat kali ZŠA źmieniać svaju zamiežnuju palityku, ukraincy pradoŭžać zmahacca: «My budziem zmahacca biez vas, vy pavinny razumieć naš narod: Svaboda — samaja važnaja kaštoŭnaść, jakaja ŭ nas jość, i nichto jaje nie addaść, navat kali vialikija lidary pasprabujuć nas da hetaha padšturchnuć».
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary
https://page-analytics-one.online/32991"