Majstar z Kamianca vyrazaŭ z dreva fihuru kultavaha kinahieroja
Skulpturu Alaksiej Turkoŭ zrabiŭ na pryvatnuju zamovu — čałaviek płanuje pastavić jaje ŭ siabie na leciščy.
Draŭlanuju skulpturu Kuźmiča ź filma «Asablivaści nacyjanalnaha palavańnia» zrabiŭ u svajoj majsterni narodny majstar Biełarusi, raźbiar pa drevie Anatol Turkoŭ, piša kamenec.by.
Vyrazany z duba Kuźmič paznajecca imhnienna: tyja ž vusy, taja ž chitrynka ŭ vačach, nie kažučy ŭžo pra jaho znakamity płašč i šapku-vušanku.
Skulpturu majstar vyrabiŭ na pryvatnuju zamovu — čałaviek płanuje pastavić u siabie na leciščy.
Pieršapačatkova havorka išła pra miadźviedzia, ale dubovaja kałodka, jakuju zakazčyk pryvioz u majsterniu, padałasia Anatolu Savieljeviču tonkaj. Až nadta chudy vyjšaŭ by miadźviedź. Tady i ŭźnikła ideja z Kuźmičom (akcior — Viktar Byčkoŭ).
«Mnie hetaja ideja padałasia našmat cikaviejšaj, čym miadźviedź, — pryznajecca majstar. — Ja lublu pradumvać rysy budučaha piersanaža i stvarać paznavalny tvar. Kuźmič atrymaŭsia jak z ekrana. U jakaści trafiejaŭ majstar daŭ jamu ŭ adnu ruku strelbu, u inšuju — rybu (adsyłka da «Asablivaściaŭ nacyjanalnaj rybałki»). Praca nad skulpturaj zaniała dva tydni: kožny dzień ad vidna da vidna.
Kamientary