Navuka i technałohii22

«Zanadta niečakana». Kampanija OpenAI zvolniła svajho kiraŭnika, jaki byŭ suzasnavalnikam jak samoj kampanii, tak i niejrasietki ChatGPT

Amierykanski prahramist i pradprymalnik Sem Altman, jaki źjaŭlajecca suzasnavalnikam niejrasietki ChatGPT i kampanii OpenAI, byŭ zvolnieny z pasady hienieralnaha dyrektara OpenAI. Pra heta 17 listapada paviedamiła vydańnie The Verge sa spasyłkaj na aficyjnuju zajavu samoj kampanii.

Sem Altman, adzin sa stvaralnikaŭ suśvietna viadomaj niejrasietki ChatGPT i da niadaŭniaha momantu hienieralny dyrektar kampanii OpenAI. Fota: Patrick Semansky / AP

U zajavie skazana, što zvalnieńnie Altmana — heta kalehijalnaje rašeńnie rady dyrektaraŭ OpenAI, jakoje było vyklikana tym, što pradprymalnik «byŭ nie zaŭsiody adkryty ŭ svaich znosinach z kiraŭnictvam kampanii».

«Sem Altman sychodzić z pasady hienieralnaha dyrektara OpenAI i pakidaje radu dyrektaraŭ kampanii, bo jon nie zaŭsiody byŭ adkryty ŭ adnosinach da kiraŭnictva. Hety fakt pieraškadžaje zdolnaści Altmana vykonvać svaje abaviazki, ale my ŭdziačnyja jamu za vialiki ŭniosak u zasnavańnie i raźvićcio kampanii», — napisaŭ The Verge sa spasyłkaj na aficyjnuju zajavu OpenAI.

Vydańnie adznačaje, što rašeńnie ab zvalnieńni Altmana źjaŭlajecca «zanadta niečakanym», bo biznesmien jašče ŭ minułym hodzie «faktyčna pačaŭ honku ŭ śfiery štučnaha intelektu», pradstaviŭšy paśpiachovy i dobra viadomy ChatGPT.

Akramia taho, Altman, jak piša The Verge, aktyŭna vystupaŭ na mižnarodnych samitach i technałahičnych kanfierencyjach, abviaščajučy kankurencyju z takimi hihantami, jak Microsoft i Google.

«Amal adrazu paśla źjaŭleńnia naviny ab svaim zvalnieńni Altman napisaŭ u tvitary, što jamu vielmi spadabałasia pracavać u OpenAI «z takimi talenavitymi ludźmi». Pryčyny zvalnieńnia jon nie nazvaŭ, adznačyŭšy, što dadatkovaja infarmacyja budzie dadziena im paźniej», — pieradaje The Verge.

Nahadajem, što kampanija OpenAI była zasnavanaja ŭ 2015 hodzie. U liku zasnavalnikaŭ, akramia Sema Altmana, byŭ taksama i miljarder Iłan Mask, adnak u 2018-m jon pakinuŭ kampaniju, kab nadać bolš uvahi raźvićciu brenda elektramabilaŭ Tesla (paźniej letam 2023 hoda Mask znoŭ viarnuŭsia ŭ halinu štučnaha intelektu, stvaryŭšy novuju kampaniju xAI).

Kamientary2

  • Koń
    18.11.2023
    Usio pravilna, zaraz AI budzie prymać kiraŭničyja rašeńni.
  • De ža viu
    18.11.2023
    Niejak było Styva Džobsa papiorli z kampanii Apple, jakuju jon suzasnavaŭ i raźviŭ na pieršym etapie ) Potym nazad paklikali, kab ratavaŭ )) 

    Sacyjalnaja dynamika - štuka cikavaja. 
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ2

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Usie naviny →
Usie naviny

Piatruchin nie zdajecca: choča, kab KR zasłuchała 17-hadovaha «startapiera». Ale bieź jaho baćkoŭ hetaha rabić nielha18

Što apranać u samalot, a što — ni ŭ jakim razie: parady ściuardesy5

«Rak prosta zdarajecca. Nichto ŭ im nie vinavaty»23

Navukoŭcy Akademii navuk nazvali spraviadlivuju canu na biełaruskuju bulbu9

U Vjetnamie karalevu pryhažości aryštavali za padman z cukierkami

Pad Minskam źjavicca novaja daroha. Jaje košt aceńvajecca ŭ miljon dołaraŭ2

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»26

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

bolš čytanych navin
bolš łajkanych navin

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ2

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić