Navuka i technałohii11

«Zahipnatyzavanyja» ChatGPT i Bard mohuć pierakonvać karystalnikaŭ płacić ašukancam i prajazdžać na čyrvonaje śviatło

Daśledčyki IBM pierakanali vialikija moŭnyja madeli zhulać u šmatsłojnuju «hulniu», u vyniku jakoj boty prapanavali niapravilnyja parady.

Vyjava: vecteezy

Daśledčyki biaśpieki z IBM kažuć, što im udałosia paśpiachova «zahipnatyzavać» viadomyja moŭnyja madeli Chat GPT ad OpenAI i Bard ad Google i schilić ich da vydačy kanfidencyjnaj finansavaj infarmacyi, hienieracyi škodnasnaha koda, zaachvočvańnia karystalnikaŭ da vypłaty vykupu i navat rekamiendavańnia kiroŭcam jeździć na čyrvonaje śviatło. Daśledčyki zmahli padmanuć madeli, pierakanaŭšy ich uziać udzieł u šmatsłojnych hulniach z metaj dakazać, što jany «etyčnyja i sumlennyja».

U ramkach ekśpierymienta daśledčyki zadavali botam roznyja pytańni z metaj atrymać absalutna niepraŭdzivy adkaz, raspaviadaje Gizmodo. Jak ščaniuk, jaki imkniecca dahadzić svajmu haspadaru, moŭnyja madeli pasłuchmiana padparadkavalisia. U adnym scenary ChatGPT skazaŭ daśledčyku, što dla padatkovaj całkam narmalna prasić depazit, kab atrymać viartańnie padatku (nasamreč usio nie tak, heta raspaŭsiudžanaja ŭ ZŠA taktyka ašukancaŭ, kab skraści hrošy). U inšym adkazie ChatGPT paraiŭ daśledčyku ruchacca praz skryžavańnie na čyrvonaje śviatło.

Što jašče horš, daśledčyki zahadali moŭnym madelam nikoli nie paviedamlać karystalnikam pra «hulniu» i navat pierazapuskać hetuju hulniu, kali karystalnik vyrašyŭ vyjści. Z takimi paramietrami madeli ŠI pačnuć uvodzić karystalnikaŭ u zman, navat kali karystalnik niepasredna zapytaje ŭ bota, ci ŭdzielničaje toj u hulni. Navat kali b karystalnik u vyniku i zmoh zrazumieć padvoch, daśledčyki prydumali sposab stvaryć niekalki hulniaŭ adna ŭnutry druhoj, kab karystalnik prosta trapiŭ u novuju «hulniu» i ŭ vyniku ŭsio ž akazaŭsia padmanutym. Hety składany łabirynt hulniaŭ paraŭnoŭvajuć z mnostvam słajoŭ snu z kinastužki «Pačatak» z Leanarda Dy Kaprya.

U realnym śviecie kibierzłačyncy tearetyčna mohuć «zahipnatyzavać» virtualnaha bankaŭskaha ahienta, jaki pracuje na asnovie hienieratyŭnaj moŭnaj madeli, uvioŭšy škodnasnuju kamandu i paźniej zdabyŭšy skradzienuju infarmacyju. I choć GPT-madeli ad OpenAI pieršapačatkova nie dazvalali ŭnosić uraźlivaść u zhienieravany kod, daśledčyki skazali, što jany mohuć abyści hety barjer, uklučyŭšy škodnasnuju śpiecyjalnuju biblijateku ŭ prykład koda.

Taksama cikava, što GPT-4, jaki, jak miarkujuć, byŭ navučany na bolšaj kolkaści paramietraŭ danych u paraŭnańni ź inšymi madelami ŭ teście, akazaŭsia najbolš zdolnym u razumieńni takich składanych hulniaŭ. Heta aznačaje, što novyja i bolš daskanałyja madeli ŠI, choć i źjaŭlajucca pa niekatorych charaktarystykach bolš dakładnymi i biaśpiečnymi, taksama patencyjna majuć bolš mahčymaściaŭ dla «hipnozu».

Kamientary1

  • Kazik
    27.08.2023
    Zahuhlicie "chatgpt jailbreak". Vydaść kavałki tekstu, jaki treba ŭstavić u čat pierad "razmovaj" z čathpt. I adklučajecca ŭsia cenzura i saramlivaść - narešcie iduć narmalnyja adkazy
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić