Recept minskaj šaścikłaśnicy ŭvajšoŭ u mieniu staličnych škoł u novaj čverci
U kancy minułaha navučalnaha hoda ŭ siaredniaj škole № 26 vyrašyli pravieści konkurs videareceptaŭ dla školnaj stałovaj «Smačna dla ŭsich». Takim čynam va ŭstanovie chacieli źviarnuć uvahu dziaciej na važnaść rehularnaha zdarovaha charčavańnia.
Školniki prapanoŭvali svaje raspracoŭki — aŭtarskija recepty. Kamuści dapamahali baćki. Hałoŭnaj umovaj stała karysnaść praduktaŭ, a taksama, kab stravu možna było vykarystoŭvać u dziciačym charčavańni, pišuć Minsk-naviny.
Što prapanoŭvali ŭklučyć u školnaje mieniu sami vučni? Šmatki kukuruznyja z małakom, blincy ź viandlinaj i syram, sałatu z mandarynami, spahiećci z kurycaj u biełym sousie i navat pankiejki.
Ale pieramoh recept šaścikłaśnicy Dyjany Kamienievaj.
— Ni dla kaho nie sakret, što lubimaja strava ŭsich dziaciej — nahietsy, — raspaviała Dyjana. — Byccam by nie zusim zdarovaja ježa, ale ja prapanuju hatavać ich nie ŭ fryciury, a ŭ duchoŭcy.
Dla nahietsaŭ spatrebiacca file, jajka, sol, papryka, kropielka aleju i panirovačnyja suchary.
— Kambinat školnaha charčavańnia abviaściŭ, što heta strava ŭvajšła ŭ mieniu školnych stałovych u druhoj čverci. My navat nie čakali, — zaŭvažyła namieśnik dyrektara škoły Taćciana Viarecina. — Viadoma, dzieci ščaślivyja, što mohuć paŭpłyvać na raznastajnaść straŭ. Dla ich važna, kab mieniu źmianiałasia, źjaŭlalisia navinki.
Ciapier čytajuć
Represii razhaniajucca ci zapavolvajucca? Davajcie ličyć8
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary