Ihar Bryło vyzvaleny ad pasady pamočnika Łukašenki — inśpiektara pa Viciebskaj vobłaści, piša BIEŁTA.
Pavodle BIEŁTA, farmuloŭka Ukaza «ŭ suviazi sa ździajśnieńniem praviny, niesumiaščalnaj sa znachodžańniem na dziaržaŭnaj hramadzianskaj słužbie».
Ukaz Łukašenka padpisaŭ siońnia.
22 listapada «Naša Niva» paviedamiła pra zatrymańnie Ihara Bryło. Z ulikam viadomych abstavin možna śćviardžać, što toj byŭ zatrymany Kamitetam dziaržaŭnaj biaśpieki pa «małočnaj spravie». Jaje centralnym fihurantam staŭ hienieralny dyrektar mahiloŭskaha AAT «Babuškina krynka» Hienadź Skitaŭ.
Alaksandr Łukašenka padčas narady 14 listapada raskazaŭ pra vialikuju kryminalnuju spravu ŭ małočnaj halinie. Pavodle jaho słoŭ, była vykryta karupcyjnaja schiema ekspartu ŭ Rasiju pradukcyi małakapierapracoŭčych pradpryjemstvaŭ. Pa spravie byli zatrymanyja 26 čałaviek.
Pa śćviardžeńni KDB, «złačynnyja dachody ad nieabhruntavanaj pasiarednickaj dziejnaści ŭsich udzielnikaŭ supraćpraŭnaj dziejnaści ŭ małočnaj halinie z ulikam roźnicy cen u Biełarusi i Rasii [składali] nie mienš jak 10 młn dalaraŭ za hod».
Kamientary