«Rośsija, nahrubił tiebie s poroha». Šarłot pryznaŭ vinu ŭ «reabilitacyi nacyzmu» i vybačyŭsia pierad «ruskim narodam»
Siońnia ŭ sudzie horada Samara razhladałasia pytańnie pra mieru strymańnia śpievaku Šarłotu pa spravach ab «abrazie pačućciaŭ viernikaŭ» i «reabilitacyi nacyzmu».
Padčas pasiadžeńnia Šarłot pryznaŭ vinu, piša «Mieduza».
Sud pastanaviŭ aryštavać jaho da 24 studzienia.
Telehram-kanał Mash apublikavaŭ videa, na jakim Šarłot u sudzie začytvaje vierš pra Rasiju. U im śpiavak prosić prabačeńnia ŭ «ruskaha naroda» i abiacaje «abaraniać duchoŭna ruskamoŭny spakoj»: «Rośsija, nahrubił tiebie s poroha».
Na sudzie taksama vystupiŭ baćka Šarłota. Jon skazaŭ, što paśla adjezdu z Rasii jaho syn «paddaŭsia drennamu ŭpłyvu», ale ŭ vypadku vyzvaleńnia Šarłot budzie dapamahać «bajcam na SVA» (tak u Rasii nazyvajuć poŭnamaštabnaje ŭvarvańnie va Ukrainu).
Šarłota zatrymali paśla danosu kiraŭnika Lihi biaśpiečnaha internetu Kaciaryny Mizulinaj u aeraporcie Pułkava (Sankt-Pieciarburh) 22 listapada. Sud pryznačyŭ jamu 13 sutak administratyŭnaha aryštu. Praz dva dni Mizulina raspaviała, što suprać Šarłota raspačali dźvie kryminalnyja spravy.
Padstavaj dla pieraśledu śpievaka stali videa, apublikavanyja im uletku. U adnym ź ich śpiavak spalvaje pašpart Rasii, a ŭ druhim — prybivaje da raśpiaćcia fatahrafiju patryjarcha Kiryła i svoj vajskovy bilet.
Za «reabilitacyju» nacyzmu Šarłotu moža pahražać da troch hadoŭ źniavoleńnia. Taksama śpievaku moža pahražać da piaci hadoŭ źniavoleńnia za spalvańnie pašparta RF i antyvajennyja vykazvańni.
Šarłot (Eduard Valerjevič Šarłot, 1998, Samara) — rasijski kampazitar, muzykant, śpiavak, aŭtar piesień i akcior. Pieršuju viadomaść atrymaŭ dziakujučy kavieram na pieśni hurta «Pošłaja Moli»; zatym — paśla ŭdziełu ŭ šou «Pieśni na TNT». Paźniej stała viadomaja pieśnia «Ščaka na ščaku», ź jakoj artyst vystupaŭ na šou «Viačerni Urhant»; taksama raspaŭsiudziłasia pieśnia-džynhł, napisanaja Šarłotam dla rekłamy «Miehafona». U sakaviku 2020 hoda byŭ vypuščany sumiesny sinhł z Marhienšternam pad nazvaj «Małyška».
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary