Hramadstva2020

Kaho padtrymlivajuć biełarusy ŭ paleścina-izrailskim kanflikcie? — vyniki apytańnia

Adnosiny biełarusaŭ da paleścina-izrailskaha supraćstajańnia prademanstravali vyniki apytańnia Chatham House.

Paleścinskija bajeviki zapuskajuć rakiety z Hazy ŭ bok Izraila. Fota: AP Photo / Hatem Moussa

Paleścina-izrailskaje sutyknieńnie, jakoje pačałosia 7 kastryčnika, dalokaje ad vyrašeńnia. Biełarusy, jak i žychary inšych krain pad upłyvam ŚMI vybirajuć toje, što padajecca blizkim i zrazumiełym. Mierkavańnie biełaruskaha hramadstva vyśvietlili sacyjołahi padčas apytańnia, što było praviedziena z 8 pa 14 listapada 2023 hoda.

Usiaho ŭ apytańni pryniali ŭdzieł 868 respandentaŭ. Dva ź piaci apytanych (38%) adnosiacca da aŭdytoryi dziaržaŭnych ŚMI. Kožny čaćviorty (23%) imkniecca adsočvać abodva siehmienty miedyjaprastory. Stolki ž ludziej nie cikavicca navinami ŭ vyniku. Da aŭdytoryi niedziaržaŭnych ŚMI adnieśli 16% respandentaŭ.

Za Paleścinu ci Izrail

Jak pakazała apytańnie, na baku paleścincaŭ simpatyi kožnaha šostaha biełarusa (17%). Na baku izrailcian amal kožny čaćviorty (23%). Pra toje, što nie zajmajuć ničyj bok, zajavili 38% apytanych. Amal čverci respandentaŭ na heta pytańnie było ciažka adkazać.

whose side are Belarusians on in the Palestinian-Israeli conflict na ċjej storonie biełorusy v palestino-izrailskom konfliktie na čyim baku biełarusy ŭ palestyna-izrailskim kanflikcie

Kali ž suadnieści adkazy z prychilnaściu respandentaŭ da ŚMI, to vyniki atrymlivajucca vidavočna inšymi. Aŭdytoryja niedziaržaŭnych ŚMI adnaznačna vyražaje prychilnaść izrailskamu boku (65%). U toj ža čas aŭdytoryja dziaržaŭnych ŚMI na baku paleścincaŭ (27%).

Chto vinavaty ŭ kanflikcie

Na pytańnie, kaho varta ličyć adkaznym za praciah pralićcia kryvi i niestabilnaść na Blizkim Uschodzie, kožny treci apytany (33%) nazvaŭ ZŠA i inšyja krainy NATA. Pryčym takoj dumki prytrymlivajecca kožny druhi (48%) z aŭdytoryi dziaržaŭnych ŚMI.

kto vinovat v palestino-izrailskom konfliktie chto vinavaty ŭ palestyna-izrailskim kanflikcie who is to blame for the Palestinian-Israeli conflict

CHAMAS ci ŭvohule Paleścinu vinoŭnikami kanfliktu bačyć kožny šosty biełarus. Siarod aŭdytoryi niedziaržaŭnych ŚMI takich — kožny druhi. Siarod hetaj aŭdytoryi taksama bolš tych, chto vinavatym nazyvaje Rasiju (13%) i arabskija krainy (10%).

Va aŭdytoryi dziaržaŭnych ŚMI zusim niama prychilnikaŭ dumki, što ŭ kanflikcie moža być vinavata Rasija, a voś Izrail vinavacić kožny siomy (13%).

Čytajcie jašče:

Novaje apytańnie pakazała, kolki biełarusaŭ padtrymlivaje vajnu i raźmiaščeńnie jadziernaj zbroi

Što dumajuć biełarusy pra rasijskuju mabilizacyju. Niečakanyja vyniki daśledavańnia

Sacyjołahi dali śviežyja źviestki, kamu biełarusy daviarajuć i ci hatovyja žyć biez Rasii

Kamientary20

  • Za Svabodu!
    06.12.2023
    Apytańnie ŭ amal tatalitarnaj krainie sensu nie majuć. Padaŭlajučaja bolšaść admaŭlajecca adkazvać, tamu, što za adkaz moža być kryminałka. Heta tyčycca i apytańniaŭ praź internet, dzie poŭnuju ananimnaść prv takich adkazach taksama nie harantujuć. Amal 40% hladziać prapahandu i amal 25% u tym liku prapahandu? Dzaje traciny hladziać BT? Vierym, vierym... Voś taja čverć, što realna hladzić i nie pabajałasia adkazvać.
  • Hańba kaniešnie
    06.12.2023
    Chvorych šmat, ale dziakuj Bohu nie bolšaść. Bolšaść užo narmalnych. Chvorych vidać tyja što zastalisia ad elektarata šyzanutaha.
  • lepiej by maŭčali, myśliciali
    06.12.2023
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Usie naviny →
Usie naviny

Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie3

U Jehipcie pierakuliŭsia aŭtobus z turystami ź Biełarusi, Rasii i Kazachstana

U Minsku prajšoŭ vajskovy parad u honar 80-hodździa pieramohi nad Hiermanijaj10

U Pakistanie dumajuć, što dla ich u Biełarusi buduć 198 tysiač vakansij1

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad9

Hirkin nazvaŭ mahčymyja kirunki nastupnych ukrainskich udaraŭ6

U Minsku ŭžo źjaviłasia novaja siniaja raźmietka1

Na parad u Hrodnie vyvieli kazu. Ź joj akazałasia składaniej, čym ź ludźmi VIDEA10

Što viadoma pra biełarusa Andreja Sakałoŭskaha-Stankieviča, jakoha aryštavali ŭ Rasii i abvinavačvajuć u padrychtoŭcy dyviersii2

bolš čytanych navin
bolš łajkanych navin

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić