Usiaho patrochu

«Potym heta napatkała i mianie!» Śpiavačka Kacia IOWA padčas kancerta raskazała pra svaje ciažkija rody

Uradženka biełaruskaha miastečka Čavusy śpiavačka Kacia IOWA raskazała pra svaje ciažkija rody. Niečakanaje i vielmi asabistaje pryznańnie śpiavačka zrabiła prosta padčas svajho kancerta — hledačy byli niamała ŭražanyja, zaŭvažaje «Kamsamołka».

Kacia stała mamaj 31 sakavika 2023 hoda, u ich razam z mužam Leanidam zjaviŭsia doŭhačakany syn, jakoha nazvali Lvom.

Artystka dzialiłasia fatahrafijami, zroblenymi pry vypiscy z radzilnaha doma, na zdymkach ščaślivyja baćki prosta śvieciacca. Ale akazałasia, što ŭsio było niaprosta: daktary pryniali rašeńnie rabić kiesarava.

— Ja nikomu nie raskazvała toje, što chaču raskazać zaraz. Lova za dzień da taho, jak pavinien byŭ zjavicca, staŭ krucicca, i ŭžo ničoha nielha było zrabić. Chto vinavaty? Nichto nie vinavaty, — skazała Kacia padčas kancerta ŭ pierapynku pamiž pieśniami. 

Na vačach śpiavački vystupili ślozy, a muž Leanid padyšoŭ da jaje i abniaŭ.

Kacia pryznałasia: jana była nastrojena na naturalnyja rody, ułasna kažučy, z boku daktaroŭ nijakich pieraściaroh nie było. Raniej da kiesarava śpiavačka staviłasia nieadnaznačna.

Fota: katya_iowa / Instagram

— Ja išła da rodaŭ tak upeŭniena, treniravałasia kožny dzień. Dumała, što majo cieła samaje ciahavitaje i najmacniejšaje. Ja zmahu ŭsio, ja dasiahnu ŭsiaho, čaho chaču, — kazała Kacia. — Ja hladzieła na ich i dumała: «Jany słabyja. Jany iduć i robiać kiesarava. Jany nie žadajuć sami pasprabavać». A potym heta napatkała i mianie, i ja zrazumieła, što nielha dumać za inšych, — sa ślazami pryznavałasia śpiavačka, stojačy pierad svaimi prychilnikami.

Krychu paźniej u siabie ŭ sacsietkach śpiavačka padzialiłasia i jašče adnym: paśla pryznańnia pierad publikaj maleńki syn niečakana zachvareŭ.

— Prama paśla pryznańnia pra kiesarava, u Lovy padniałasia tempieratura pad 40 i trymałasia dvoje sutak, a potym hetak ža chutka adkaciła. Hetaja chvala «ačyščeńnia», vyzvaleńnia! Jak jašče nazvać heta? Ja pryniała i adpuściła! — napisała śpiavačka ŭ siabie ŭ sacsietcy.

— U nas ź dziećmi adno pole, adny pieražyvańni, i, kali niešta ciśnie na ciabie, značyć ciśnie i na dzicia! Urok zasvojeny! Idziem dalej! Dziakuj za toje, što byli sa mnoj u hety momant! Mnie było niajomka, chaciełasia płakać, uciačy, ale ja zastałasia i kazała, — abahulniła śpiavačka.

Kamientary

Ciapier čytajuć

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Usie naviny →
Usie naviny

Praz Soniečnuju sistemu lacić abjekt, pavodziny jakoha nahadvajuć kiravany kaśmičny karabiel18

Rasijski dron atakavaŭ rejsavy aŭtobus u Sumskaj vobłaści. Jość achviary3

U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha4

Fłarencyju nazvali najlepšym horadam Jeŭropy dla turyzmu2

Najbujniejšaja sietka fastfudu ŭ śviecie, pra jakuju amal nie viedajuć na Zachadzie1

Były palitviazień Siarhiej Šeleh paraŭnaŭ Vaładarku z haścinicaj u Efiopii. Kaža, heta dapamahło ŭspryniać realnaść1

Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj18

Pad Ivanavam pierakuliłasia maršrutka: siem čałaviek u balnicy

MAK schilajecca da taho, kab dapuścić biełaruskich spartsmienaŭ da ŭdziełu ŭ zimovych Alimpijskich hulniach4

bolš čytanych navin
bolš łajkanych navin

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Hałoŭnaje
Usie naviny →

Zaŭvaha:

 

 

 

 

Zakryć Paviedamić