Źmieny zakanadaŭstva pa vypłacie balničnych pieranieśli na paŭhoda
12 śniežnia Saviet Ministraŭ pryniaŭ pastanovu, ź jakoj vynikaje, što anansavany na 1 studzienia 2024 hoda termin realizacyi novaha paradku pryznačeńnia dapamoh pa časovaj niepracazdolnaści i pa ciažarnaści i rodach (balničnym) pieranosicca na paŭhoda. Ciapier pačatak jahonaha dziejańnia pryznačany na 1 lipienia 2024-ha.
Pieranos terminu, jak paviedamlajecca, abumoŭleny zapytami z boku pradpryjemstvaŭ i arhanizacyj, jakim nieabchodna aprabavać prahramnaje zabieśpiačeńnia da novaha paradku infarmacyjnaha ŭzajemadziejańnia z terytaryjalnymi orhanami Fondu sacyjalnaj abarony nasielnictva.
Akramia taho, da zakona dałučanyja dadatkovyja normy rehulavańnia paradku vypłaty pa balničnych listkach, hałoŭnaja ź jakich tyčycca pryznačeńnia balničnych tym ludziam, jakija pracujuć pa sumiaščalnictvie i nie majuć asnoŭnaha miesca pracy. Im balničny budzie pryznačacca pa adnym ź miescaŭ pracy pa sumiaščalnictvie (pa vybary rabotnika).
Pra asnoŭnyja źmieny, jakija praduhledžanyja zakonam u śfiery naličeńnia balničnych, my pisali raniej:
Kamientary