«Užo nie ŭ turmie, ale nie mahu skazać, što na voli». Uładzimir Mackievič napisaŭ pieršy post paśla vyzvaleńnia
Fiłosaf i mietadołah Uładzimir Mackievič byŭ, vidać, pieršym z vyzvalenych 11 vieraśnia palitviaźniaŭ, chto ŭ toj ža viečar dabraŭsia da internetu i napisaŭ pieršy paśla vyzvaleńnia post u fejsbuku.
«Ja ŭžo nie ŭ turmie, ale nie mahu skazać, što na voli.
Nie sam vybiraŭ miesca, dzie apynuŭsia.
U Vilni mianie sustreli siabry, u takim mnostvie, što ja stamiŭsia abdymacca.
Vialiki ŭsim dziakuj!
I ŭsim, chto dałučyŭsia dystantna.
Z usimi jašče ŭbačymsia, stelefanujemsia i ŭsimi inšymi sposabami pahutarym.
Usim-usim-usim vielizarnaje pryvitańnie», — napisaŭ Uładzimir Mackievič.
U žniŭni 2021 hoda jon byŭ aryštavany KDB. U červieni 2022 hoda Minski abłasny sud asudziŭ fiłosafa na 5 hadoŭ pazbaŭleńnia voli za ŭdzieł u pratestach, stvareńnie «ekstremisckaha farmavańnia» i «abrazu Łukašenki».
Kamientary