Łukašenkaŭskija śpiecsłužby pačali raspaŭsiudžvać fejk, što Mikoła Statkievič — u Litvie
52 vyzvalenych źniavolenych vyvieźli ŭ Litvu dziela «ekanomii», kab «nie karmić» ich u Biełarusi, zajaviŭ prapahandyst Juryj Vaskrasienski ŭ strymie ŭ Ryhora Azaronka.
Ad masavaj vysyłki źniavolenych nibyta jość «ekanamičny efiekt»: ułady: maŭlaŭ, nie buduć vydatkoŭvać hrošy na ich «utrymańnie» ŭ Biełarusi, a taksama jany «nie buduć u nas tut chistać hramadstva».
Režym Łukašenki hatovy praciahvać takuju palityku «až da poŭnaha zadavalnieńnia našych amierykanskich partnioraŭ, kali jany całkam zadavolać našy handlova-ekanamičnyja patrabavańni».
Taksama abodva prapahandysty nasupierak vidavočnym faktam imknulisia pierakanać svaich hledačoŭ, što, maŭlaŭ, palitviazień Mikoła Statkievič nie viarnuŭsia nazad u Biełaruś, a ŭsio ž taki pierajšoŭ u Litvu, a situacyja na miažy była tolki pastaŭlenym im śpiektaklem. Hetuju temu padchapili i inšyja prapahandysckija resursy.
Nasamreč litoŭskija pamiežniki zafiksavali, što Statkievič ź niejtralnaj zony viarnuŭsia ŭ Biełaruś. Dalejšy jaho los pakul nieviadomy.
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary