Paśla zatrymańnia źjechaŭ ź Biełarusi žurnalist i piśmieńnik Siarhiej Antonaŭ
Pravaabaroncy paviedamlajuć, što ŭ pačatku śniežnia padčas šyrokamaštabnaj abłavy na žurnalistaŭ, što prajšła na Mahiloŭščynie, zatrymlivaŭsia ŭłasny karespandent haziety «Častnyj dietiektiv», aŭtar šerahu tvoraŭ u ramkach prajekta «Suśviet Mietro 2033» Siarhiej Antonaŭ.
U pačatku śniežnia Antonava, jaki žyvie ŭ Bychavie, vyklikaŭ da siabie načalnik KDB pa hetym horadzie, i pakazaŭ jamu dva dakumienty z Mahiloŭskaha UKDB, dzie havaryłasia, što žurnalist i piśmieńnik nibyta maje dačynieńnie da «złačynstva» — pracy na partał Mahiloŭ.media. 29 listapada KDB unios jaho ŭ śpis tak zvanych «ekstremisckich farmavańniaŭ».
Paśla taho kahebešniki pajechali da Antonava i na pracu, i dadomu, była kanfiskavanaja ŭsia technika. Samoha piśmieńnika dapytvali da paŭnočy. Jamu prapanoŭvali «pryznacca ŭ pracy na sajt» i pahražali, što kali jon hetaha nie zrobić, to mužčynu adpraviać u SIZA KDB.
Paśla hetaha Siarhieja Antonava źmiaścili na dvoje sutak u IČU, a paśla vychadu adtul jon adrazu źjechaŭ ź Biełarusi.
Raniej paviedamlałasia, što 5-6 śniežnia ŭ Mahilovie prajšła masavaja abłava na ludziej, jakich, vierahodna, padazravali ŭ supracoŭnictvie ź miascovymi partałami, uniesienych u śpis «ekstremisckich farmavańniaŭ». Paśla hetaha niekatoryja ź ich pierastali vychodzić na suviaź.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ16
Kamientary