Пасля затрымання з'ехаў з Беларусі журналіст і пісьменнік Сяргей Антонаў
Праваабаронцы паведамляюць, што ў пачатку снежня падчас шырокамаштабнай аблавы на журналістаў, што прайшла на Магілёўшчыне, затрымліваўся ўласны карэспандэнт газеты «Частный детектив», аўтар шэрагу твораў у рамках праекта «Сусвет Метро 2033» Сяргей Антонаў.
У пачатку снежня Антонава, які жыве ў Быхаве, выклікаў да сябе начальнік КДБ па гэтым горадзе, і паказаў яму два дакументы з Магілёўскага УКДБ, дзе гаварылася, што журналіст і пісьменнік нібыта мае дачыненне да «злачынства» — працы на партал Магілёў.media. 29 лістапада КДБ унёс яго ў спіс так званых «экстрэмісцкіх фармаванняў».
Пасля таго кагэбэшнікі паехалі да Антонава і на працу, і дадому, была канфіскаваная ўся тэхніка. Самога пісьменніка дапытвалі да паўночы. Яму прапаноўвалі «прызнацца ў працы на сайт» і пагражалі, што калі ён гэтага не зробіць, то мужчыну адправяць у СІЗА КДБ.
Пасля гэтага Сяргея Антонава змясцілі на двое сутак у ІЧУ, а пасля выхаду адтуль ён адразу з'ехаў з Беларусі.
Раней паведамлялася, што 5-6 снежня ў Магілёве прайшла масавая аблава на людзей, якіх, верагодна, падазравалі ў супрацоўніцтве з мясцовымі парталамі, унесеных у спіс «экстрэмісцкіх фармаванняў». Пасля гэтага некаторыя з іх перасталі выходзіць на сувязь.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары