17 śniežnia na dzieviaci biełaruskich mieteastancyjach zafiksavanyja tempieraturnyja rekordy
Dzieviać tempieraturnych rekordaŭ zafiksavana na biełaruskich mieteastancyjach dniom 17 śniežnia, śviedčyć praviedzieny vydańniem «Pozirk» paraŭnalny analiz apieratyŭnych i archiŭnych danych Biełhidramieta. Usie novyja maksimumy adznačany ŭ zachodniaj častcy krainy.
U Ivacevičach pavietra prahrełasia da 7,1 hradusa ciapła (raniejšy łakalny maksimum — 7 hradusaŭ u 2019 hodzie), u Baranavičach — da 6,6 (5,7 u 2019-m), Lidzie — taksama da 6,6 (5,4 u 2006-m), Navahradku — da 5,6 (5,1 u 1989-m), Stoŭbcach — da 5,3 (5,2 u 2019-m).
Pierapisanyja ekstremumy ŭ Łyntupach — 5,2 (4,6 u 2019 hodzie), Naračy — 5,2 (4,9 u 2019-m), Ašmianach — 4,9 (4,5 u 2006-m), Vałožynie — 4,8 (4,6 u 2019-m).
Paŭtoranyja rekordy dnia ŭ Minsku — 5,1 hradusa vyšej za nul (stolki ž 17 śniežnia 1972 hoda) i Pružanach — 7,4 (1989).
Ciaplej za ŭsio minułym dniom było ŭ Pinsku — 7,5 hradusa (biez rekordu).
Absalutny maksimum dla ŭsioj terytoryi krainy trymajecca z 1989 hoda (11 hradusaŭ u Breście).
U najbližejšyja dni ciopłaje nadvorje zachavajecca.
Ciapier čytajuć
Jakija harady najbolš paciarpieli ad palityčnych represij? Voś śpis11
Kamientary