Hramadstva1616

Ciažka ŭjavić, što «pašpart novaj Biełarusi» budzie chutka pryznany — jeŭradeputat

Niekatory čas tamu Śviatłana Cichanoŭskaja zajaviła ab pracy nad stvareńniem «pašparta novaj Biełarusi» dla tych, chto nie ryzyknie pajechać dadomu dla zamieny staroha dakumienta. Adnak, mohuć uźniknuć prablemy z pryznańniem novaha pašparta ŭ roznych krainach Jeŭrasajuza.

Jakim bačycca rašeńnie hetaj prablemy ŭ deputata Jeŭraparłamienta ad Litvy Piatrasa Aŭštravičusa, pacikaviŭsia «Hołas Amieryki».

«Ja ŭpeŭnieny, što ź jurydyčnaha punktu hledžańnia i ŭsich inšych faktaraŭ, jakija viaduć da pryznańnia taho ci inšaha pašparta, adsutničaje šmat roznych składnikaŭ, u tym liku — suvierenitet i terytaryjalnaść hetaha dakumienta», — ličyć litoŭski palityk.

Jon tłumačyć, što, kali asobnaja kraina Zachadu zachoča pryznać taki pašpart, jana pavinna budzie ŭličyć mnohija aśpiekty, jakija na hety momant nie prapracavanyja.

«Sama ideja mnie vielmi padabajecca, i ja chacieŭ by pryznać hety pašpart jašče ŭčora.

Ale tak jak niama vyraznaha adkazu nakont jaho suvierenitetu, vielmi ciažka ŭjavić, što ŭ chutkim časie možna spadziavacca na pryznańnie takoha pašparta. Ja sam havaryŭ z dypłamatami, z kiraŭnikami apazicyjnaha ruchu i dumaju, što treba iści pa bolš praktyčnym šlachu — vydačy dakumientaŭ dla prośbitaŭ palityčnaha prytułku», — padkreślivaje spadar Aŭštravičus.

Jon taksama zaklikaje biełarusaŭ bolš kankretna pryznać nastupnuju realnaść: «Mnohija, asabliva na prykładzie dakumientaŭ, jakija viartajucca ŭ Biełaruś dla adnaŭleńnia, jašče nie razumiejuć, u jakuju ryzykoŭnuju situacyju jany siabie staviać. Jany ryzykujuć svaim žyćciom, svaim zdaroŭjem i svajoj budučyniaj. Heta ž tatalitarny režym — sačeńnie za ŭsimi idzie kruhłasutačna, tamu takija ryzykoŭnyja pavodziny nie pavinny praciahvacca».

Pa słovach jeŭradeputata, biełarusy taksama pavinny pryznać, što hetaja prablema doŭhaterminovaja, stratehična niebiaśpiečnaja dla inšadumcaŭ i dla ŭsich, chto maje ŭłasnaje mierkavańnie.

«A nam na Zachadzie treba vydavać dakumienty biežancaŭ, i heta najbolš karotkaterminovaje vyrašeńnie prablemy, jakaja niesumnienna isnuje.

Sa skančeńniem dziejańnia paśviedčańnia asoby ŭźnikajuć całkam kankretnyja prablemy, ale ja ŭpeŭnieny, što mnohija krainy hatovyja ich vyrašać vielmi praktyčna», — padsumavaŭ Piatras Aŭštravičus.

Kamientary16

  • Śmiech
    04.01.2024
    A čaho mienavita hetaha deputata zapytali, a nie niemca jakoha? Što bolš nikoha nie znajšli. U hetaha ž zimoj śnieha nie daprosišsia
  • Zrazumieła
    04.01.2024
    Ideja vielmi padabajecca, ale ch*en vam, a nie pašpart, skazaŭ letuviski deputat. Ničoha dziŭnaha nie zaŭvažyli?
  • Pan
    04.01.2024
    Daŭno para było vyjazdžać u Polšču. Nie ździŭlusia, kali Letuva paprosić Śviatłanu i kamandu admovicca ad pahoni jak ad nacyjanalnaha simvała i paprosić z krainy
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia

Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia

Usie naviny →
Usie naviny

Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim39

Cichanoŭski raskazaŭ, što praciahvaje stračvać vahu9

Na Paleśsi zafiksavali tarnada

Na mitynh u Vilni pryjšoŭ pravakatar Śviatasłaŭ, jaki staŭ skandavać Cichanoŭskim «Hańba»

Cichanoŭski raskazaŭ pra strašnyja ŭmovy, u jakich siadzić Statkievič6

Na akcyju Cichanoŭskich u Vilni prynieśli płakat «Siarhiej — džentlmien»1

Partyju «Biełaja Ruś» uznačaliła Volha Čamadanava15

Varona raźbiła škło aŭtamabila ŭ Hrodnie

Śmierci niama. Jak režysiorka Darja Žuk stała maci, a praz paŭtara hoda pachavała svajo dzicia7

bolš čytanych navin
bolš łajkanych navin

Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia

Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić