Zamiest šrubaŭ buduć prymianiacca złučeńni, jakija zaščoŭkvajucca i padobnyja da kanstruktara Lego.
Ikea paskoryła zborku mebli ŭdvaja dziakujučy sistemie Lego. Pra heta ŭ intervju Bild zajaviŭ kiraŭnik šviedskaj kampanii Jeśpier Brodzin.
Jon raspavioŭ ab «revalucyi ŭ Ikea», paabiacaŭšy źnižeńnie cen na mnohija vidy mebli i rezkaje pavieličeńnie chutkaści jaje samastojnaj zborki pakupnikami. Zamiest šrubaŭ buduć prymianiacca złučeńni, jakija zaščoŭkvajucca i padobnyja da kanstruktara Lego.
«My raźvivajem novuju sistemu zborki našaj mebli. Našym klijentam treba budzie mienš pracavać samim.
Heta maleńkaja revalucyja, — skazaŭ top-mieniedžar. — Zborka budzie našmat chutčejšaja, prykładna ŭ dva razy. <…> Sam ja davoli abaznany ŭ zborcy našaj mebli. Na [šafu] «Paks» u mianie idzie 40 chvilin, a jaje novuju viersiju ja źbiraju za 10 chvilin».
Pieršaja «turba-mebla» IKEA z paskoranym časam zborki pastupić u prodaž užo hetym letam. Siarod inšych novaŭviadzieńniaŭ Brodzin zhadaŭ pavieličeńnie kolkaści nievialikich kram u centrach bujnych haradoŭ, a taksama dastaŭku da nievialikich nasielenych punktaŭ.
Akramia taho, mieniedžar supakoiŭ amataraŭ šviedskaj kuchni nakont zakusačnych Ikea, zajaviŭšy, što pavyšać ceny na stravy nie płanujecca.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary