Jašče 14 biełaruskich spartoŭcaŭ atrymali niejtralny status. Ale nie śpiašajciesia radavacca
Heta jašče nie daje im prava vystupić na Alimpijadzie-2024.
Mižnarodnaja fiederacyja himnastyki (FIG) prysvoiła niejtralny status tryccaci biełarusam, siarod jakich 14 atletaŭ, a taksama treniery, sudździ i daktary, paviedamlaje Tochka.by sa spasyłkaj na aficyjny sajt arhanizacyi.
U śpisie, u pryvatnaści, značycca bronzavaja pryziorka Alimpijady ŭ Tokia pa mastackaj himnastycy Alina Harnaśko.
Akramia jaje niejtralny status FIG atrymali trochrazovaja bronzavaja pryziorka čempijanataŭ śvietu pa mastackaj himnastycy Anastasija Sałas, dvuchrazovaja pryziorka junijorskaha čempijanatu Jeŭropy 2020 hoda pa mastackaj himnastycy Lizavieta Zorkina, a taksama alimpijski čempijon pa skačkach na batucie Ivan Litvinovič.
U lipieni 2023 hoda FIG paviedamiła, što dapuścić da spabornictvaŭ pad svajoj ehidaj biełarusaŭ i rasijanaŭ u niejtralnym statusie, kali tyja nie vykazvalisia ŭ padtrymku bajavych dziejańniaŭ Rasii na terytoryi Ukrainy i nie źviazanyja ź siłavymi strukturami.
U pieralik alimpijskich dyscyplin pad ehidaj FIG uklučany spartyŭnaja i mastackaja himnastyka, a taksama skački na batucie.
U apošnim vidzie Biełaruś zavajoŭvała zołata na dźviuch apošnich hulniach. U Tokia-2020 pieramoh Ivan Litvinovič, a ŭ Rya-2016 najlepšym staŭ Uładzisłaŭ Hančaroŭ.
Ci trapiać biełaruskija himnasty na Alimpijadu
Niahledziačy na atrymańnie niejtralnaha statusu, pradstaŭniki biełaruskaj himnastyki, chutčej za ŭsio, nie zmohuć vystupić na Alimpijskich hulniach 2024 hoda ŭ Paryžy.
Heta źviazana z rašeńniem Jeŭrapiejskaha himnastyčnaha sajuza (European Gymnastics), jaki prahałasavaŭ suprać viartańnia spartsmienaŭ ź Biełarusi i Rasii na jeŭrapiejskija turniry z 1 studzienia 2024 hoda.
Rašeńnie European Gymnastics značna ŭskładniaje vykanańnie kvalifikacyi na hulni-2024 navat u vypadku farmalnaha dopusku.
Bolšaść adboračnych etapaŭ Kubka śvietu sioleta prymie Jeŭropa, dy i sam kantynientalny forum stanie apošnim spabornictvam, dzie razyhrajuć alimpijskija licenzii.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary