U Červieńskim rajonie za 185 tysiač dalaraŭ pradajuć siadzibu z 200‑hadovaj historyjaj
U ahraharadku Ravaničy Červieńskaha rajona pradajecca siadziba siamji Słatvinskich z dvuchsothadovaj historyjaj. Košt abjekta — 185 tysiač dalaraŭ, ahulnaja płošča — 644 kv. m, piša Office Life.
Siadziba znachodzicca prykładna za 80 kiłamietraŭ ad Minska. Budaŭnictva pačałosia ŭ kancy XVIII — pačatku XIX stahodździa pry Antonii Słatvinskim. U 1799 hodzie tut byŭ zakładzieny kaścioł śviatoha Antonija, jaki słužyŭ familnaj spačyvalniaj.
Pavodle invientara 1804 hoda, siadziba ŭklučała pałac, haspadarčyja pabudovy, piakarniu, syrnicy, pivavarny zavod, kuźniu i łaźniu. Dom, dzie žyŭ Antonij Słatvinski, nie zachavaŭsia, ale ŭ 1853 hodzie jahony syn Ludvik pačaŭ budavać novy pałac, jaki staŭ centralnym elemientam siadziby.
Paśla vajny hałoŭny dom byŭ adnoŭleny ŭ 1952 hodzie i vykarystoŭvaŭsia jak škoła da 1971 hoda. Potym budynak pierajšoŭ pad administracyju balnicy, jakaja pracavała da 1973 hoda. Paśla siadziba i paŭdniovy flihiel zastalisia na bałansie miascovaha kałhasa, a park — pad kiravańniem sielsavieta.
Dom ramieśnika ŭ Pastavach pradali na aŭkcyjonie značna daražej za pieršapačatkovuju canu
Z kałonami, lapninaj i scenaj. U Minsku pradajuć były Pałac kultury
U Mastoŭskim rajonie šmatdzietnaja maci nabyła pad žyllo zakinuty dziciačy łahier
U Tałačynskim rajonie vystavili na prodaž staruju siadzibu Ciundziavickich
Kamientary