Stała viadoma, chto taja zahadkavaja brunietka ŭ čyrvonaj sukiency, jakaja supravadžała Abielskuju ŭ Zimbabve
Na fota ź vizitu biełaruskaj delehacyi miedykaŭ u Zimbabvie źviartaje na siabie ŭvahu brunietka ŭ čyrvonaj sukiency. Pra jaje daviedaŭsia Aljans rasśledavalnikaŭ Biełarusi.
Na fotazdymku ź vizitu biełaruskaj delehacyi u Zimbabve na čale ź Irynaj Abielskaj — hałoŭnaj doktarkaj Respublikanskaha kliničnaha miedyčnaha centru (lečkamisii) i pieradusim maci Koli Łukašenki — časta ŭ kadr traplała dziaŭčyna ŭ čyrvonaj sukiency.
Jak vyśvietlili supracoŭniki Aljansu rasśledavalnikaŭ Biełarusi, heta Dzina El-Dziefi Fiejsał. Jana pracuje płastyčnym chirurham, flebołaham u pryvatnych miedyčnych centrach «Nardzin» i «Šajn Est» u Minsku.
Patrapić u skład biełaruskaj delehacyi dziaŭčynie dapamahli asabistyja suviazi. Rasśledavalniki śćviardžajuć, što Dzina sustrakajecca ź Dźmitryjem Abielskim, starejšym synam Iryny Abielskaj. Jon pracuje razam z mamaj u lečkamisii.
Dźmitryj Abielski viadomy jašče i tym, što ŭ kastryčniku 2020 hoda telefanavaŭ u milicyju, kab paskardzicca na toje, što u ŽK «Kaskad» naciahvajuć bieł-čyrvona-biełyja ściahi.
Rasśledavalniki pišuć, što Dźmitryja ź Dzinaj vielmi časta možna pabačyć na hłamurnych tusoŭkach. A ŭ 2019 hodzie žurnalisty sfatahrafavali ich razam z Kolem Łukašenkam na matčy pa plažnamu futbołu.
Takim čynam, Iryna Abielskaja naviedała Zimbabve, dzie jaje nazyvali «pieršaj łedzi Biełarusi», razam z svajoj mahčymaj budučaj niaviestkaj.
Čytajcie jašče:
Iryna Abielskaja pryviezła ŭ Zimbabve padarunki «ad Łukašenki»
Kamientary