Centralnaja vybarčaja kamisija apublikavała dekłaracyju Uładzimira Pucina, zarehistravanaha kandydatam na nastupnych prezidenckich vybarach. Aficyjnaja suma jaho dachodaŭ za šeść hadoŭ składajecca, hałoŭnym čynam, ź jaho zarabotnaj płaty jak prezidenta. I jašče ŭ 2017 hodzie jon pradaŭ svoj ziamielny ŭčastak.
Ahulnaja suma dachodaŭ Pucina za šeść hadoŭ — z 2017 pa 2022 hady — skłała 67 młn 591 tys. rasijskich rubloŭ. Heta zarobak, dachod ad układaŭ u bankach, dachod ad kaštoŭnych papier, vajennaja piensija, piensija i srodki ad prodažu majomaści. Pa siarednim kursie — kala 14 tysiač dalaraŭ na miesiac.
U dekłaracyi taksama paznačana nastupnaja dobra viadomaja majomaść:
1 kvatera — 77 kv. m, u Sankt-Pieciarburhu;
1 haraž — 18 kv. m, u Sankt-Pieciarburhu,
3 aŭtamabili lehkavych — HAZ M21, 1960 h. v., HAZ M21, 1965 h. v., Niva, 2009 h. v.,
pryčep aŭtamabilny «Skif», 1987 h. v.
Taksama ŭ Uładzimira Pucina jość 10 rachunkaŭ u bankach, na jakich znachodziacca 54 młn rasijskich rubloŭ, i 230 akcyj banka.
U biesterminovym karystańni pakazana kvatera ŭ Maskvie (153,7 kv. m) i mašynamiesca — 18 kv. m u Sankt-Pieciarburhu.
Jak paviedamiła «Kommiersantu» pres-sakratar vybarčaha štaba Uładzimira Pucina Alaksandra Suvorava, suma dachodaŭ kandydata za šeść hadoŭ składajecca, hałoŭnym čynam, ź jaho zarabotnaj płaty jak prezidenta za hety pieryjad. Akramia taho, u 2017 hodzie byŭ pradadzieny ziamielny ŭčastak, jaki jamu naležaŭ.
Hety aficyjny nabor majomaści rasijskaha prezidenta — pradmiet śmiechu ŭ žurnalistaŭ-rasśledavalnikaŭ, jakija nazyvajuć Pucina adnym z najbahaciejšych ludziej u śviecie.
Vybary prezidenta Rasii sioleta buduć prachodzić na praciahu troch dzion — z 15 pa 17 sakavika. 29 studzienia CVK zarehistravaŭ Uładzimira Pucina kandydatam. Raniej vybarkam taksama zarehistravaŭ Leanida Słuckaha (ŁDPR), Mikałaja Charytonava (KPRF), Uładzisłava Davankova («Novyja ludzi»).
Navat u damašnim stryp-kłubie — dvuchhałovyja arły. Kamanda Navalnaha pakazała sotni fatahrafij z «pałaca Pucina»
Padčas vajny Pucin zakłapočany novaj jachtaj. U hetym jamu nasustrač iduć jeŭrapiejcy FOTY
Bunkierny dzied. Vyjšła rasśledavańnie pra padziemnyja schoviščy Pucina
«Rasija — čałaviekacentryčnaje hramadstva». Starejšaja dačka Pucina dała vialikaje intervju
U Pucina znajšli jachtu za 700 miljonaŭ dalaraŭ VIDEA
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary