Fłahštok ustalujuć na Savieckaj płoščy. Jaho vyšynia składzie 60 mietraŭ, Heta stolki ž, kolki składaje vyšynia Kafiedralnaha sabora Śviatoha Franciška Ksavieryja. Raboty pačnuć užo sioleta, piša Hrodna.life.
Hrodzienskaja ŽKH praviała zakupku z adnoj krynicy, dziaržzakupka zavieršana. Prapisany termin pastaŭki — z 6 lutaha pa 5 lipienia.
Dakładnuju vyšyniu fłahštoka z čyrvona-zialonym dziaržaŭnym ściaham vyznačać prajektam va ŭviazcy ź isnujučymi budynkami. U jaho budzie dadatkovaja padśviatleńnie.
Kala fłahštoka raźmieściać abstalavańnie i kanstrukcyi dla raźmiaščeńnia hierba i prajhravańnia himna. Da miesca arhanizujuć padychod dla haradžan i turystaŭ. Pobač ustalujuć nie mienš za dva śviatłodyjodnyja ekrany z hukam. Na terytoryi budzie steła z nazvaj płoščy.
Pry rabotach zabiaśpiečać biezbarjernaje asiarodździe pražyvańnia dla fizična asłablenych asob, azielaniać prylehłuju terytoryju i pierabudujuć inžyniernyja sietki.
Raboty praviaduć na padstavie rašeńnia Hrodzienskaha harvykankama № 930 ad 18 śniežnia 2023 hoda.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu3
Kamientary