Na MAZie stvaryli fudtrak dla Mak.by, kab jeździć pa Dažynkach
Pierasoŭny restaran chutkaha charčavańnia stvaryli na pradpryjemstvie «MAZ-Kupava» dla ŭstanoŭ Mak.by, što źjaviłasia na bazie sietki McDonald's paśla jaje zakryćcia ŭ Biełarusi.
Fudtrak, jak śćviardžajecca, užo hatovy na 95%. Da kanca sakavika jaho płanujuć skončyć i spačatku prateściravać na terytoryi pradpryjemstva. U krasaviku furhon abkatajuć u Minsku, kab pravieryć, što jašče treba dapracavać.
Paśla hetaha mabilny fastfud-restaran adpravicca ŭ padarožža pa rehijonach. Maršrut raspracoŭvajecca takim čynam, kab naviedać jak maha bolej rehijanalnych śviataŭ kštałtu Dzion horada i Dažynak.
Hety prajekt składajecca ź niekalkich častak, try ŭžo hatovyja. Heta vialiki paŭpryčep (sam fudtrak), abstalavany dla pryhatavańnia, zachoŭvańnia i prodažu straŭ. Taksama hatovaja mašyna, jakaja budzie pieravozić pradukty, vadu i vyvozić śmiećcie. Jašče stvorany žyły pryčep dla piersanału.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary