Biełaruski chakieist pra Kalcova: Jon prymusiŭ mianie pavieryć u siabie
Vychavaniec žłobinskaha «Mietałurha» Alaksandr Suvoraŭ padzialiŭsia ŭspaminami pra chakieista i treniera Kanstancina Kalcova, jaki pajšoŭ z žyćcia ŭ 42 hady.
«Vielmi ciažkaja navina. Heta vialikaja strata dla biełaruskaha chakieja. Kanstancin Jaŭhienavič byŭ vydatnym chakieistam i śpiecyjalistam, jaki ŭsim usio daŭnym-daŭno dakazaŭ. Vydatny čałaviek z dobraj dušoj.
Mnie paščaściła ź im papracavać u «Dynama-Maładziečna». I zaraz, azirajučysia nazad, ja mahu skazać, što dla mianie asabista heta byŭ najlepšy siezon.
Vydatnaja kamanda, kłasny trenierski štab. I ŭsio heta było dziakujučy Kalcovu, jaki trymaŭ atmaśfieru ŭ kalektyvie. Dumaju, chłopcy z toj kamandy pahodziacca sa mnoj.
Kanstancin Jaŭhienavič lubiŭ svaju pracu. Zamiest taho, kab pajechać dadomu paśla ranišniaj treniroŭki,
jon čaściakom zastavaŭsia ŭ pałacy i išoŭ viečaram na lod z maładymi chłopcami, dapamahaŭ indyvidualna. Sapraŭdny prafiesijanał, jaki ros u prafiesii sam i dapamahaŭ raści padapiečnym.
Paśla siezona ŭ Maładziečnie my ź im pastajanna byli na kantakcie. Kalcoŭ pavieryŭ u mianie i prymusiŭ mianie pavieryć u samoha siabie. Biaźmierna ŭdziačny jamu za heta, tamu što dziakujučy jamu ja zrabiŭ vialiki krok u svajoj chakiejnaj karjery. Kanstancin Jaŭhienavič staviŭsia da mianie jak da syna, pa-baćkoŭsku.
Kali ŭ mianie była asabistaja trahiedyja, jon byŭ adnym ź pieršych, chto mnie patelefanavaŭ i padabraŭ słovy padtrymki. Ščaślivy, što hety čałaviek byŭ u maim žyćci. Spačuvańni ŭsim rodnym i blizkim», — cytuje Suvorava pres-słužba žłobinskaha «Mietałurha».
***
18 sakavika stała viadoma pra śmierć Kanstancina Kalcova na 43-m hodzie žyćcia. Palicyja Majami pryjarytetnaj viersij ličyć samahubstva.
Byłaja žonka Kalcova Julija Michajłava nie vyklučyła, što pryčynaj śmierci staŭ niaščasny vypadak.
U Kantynientalnaj chakiejnaj lizie Kalcoŭ, jaki vystupaŭ na pazicyi krajniaha napadnika, pravioŭ 426 hulniaŭ u składzie «Sałavata Jułajeva», «Atłanta», «Ak Barsa» i minskaha «Dynama» i nabraŭ 128 (49+79) bałaŭ. U składzie ŭfimskaj kamandy jon staŭ čempijonam Rasii ŭ 2008 i 2011 hodzie. Adpaviedna, u 2011-m jon vyjhraŭ Kubak Haharyna.
Sabalenka pra hibiel Kalcova: Choć my bolš nie byli razam, majo serca raźbitaje
«Chutčej za ŭsio, jon byŭ pjany». Intervju z byłoj žonkaj Kanstancina Kalcova, jakaja taksama žyvie ŭ Majami
«Jon pasvaryŭsia». Pieršy trenier Kalcova ličyć, što jaho hibiel źviazanaja ź siamiejnymi prablemami
«Ja viedaju ŭsiu situacyju». Najlepšaja siabroŭka Sabalenki zajaviła, što viedaje abstaviny trahiedyi z Kalcovym u Majami
«Vidavočny suicyd». Palicyja Majami prakamientavała śmierć Kanstancina Kalcova
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary