Śviet

Jeŭrapoł: u ES dziejničajuć zvyš 800 «vielmi niebiaśpiečnych» kryminalnych sietak. U ich šerahach jość i biełarusy 

Palicejskaja słužba Jeŭrasajuza apublikavała novuju vialikuju spravazdaču pra dziejnaść arhanizavanych złačynnych hrupovak (AZH) i kolkaści samych niebiaśpiečnych ź ich na terytoryi Jeŭropy. U dakumiencie taksama napisana pra biełarusaŭ i typy złačynstvaŭ, u jakich tyja byli zaŭvažany.

Fota: aficyjny sajt Jeŭrapoła

Pavodle novaj spravazdačy Jeŭrapoła, na terytoryi ES ciapier dziejničaje 821 najbolš niebiaśpiečnaja AZH z 25 tysiačami ŭdzielnikaŭ, 86% ź jakich admyvajuć svaje dachody ŭ całkam lehalnaj śfiery (pieravažna praz budaŭničy siektar, śfieru pasłuh i handal nieruchomaściu).

Pałova z hetych sietak zarablaje narkahandlem, a častka moža vieści svaje spravy, navat kali ŭsio ich kiraŭnictva znachodzicca ŭ turmie, paviedamlaje Jeŭrapoł.

Siarod 821 vyjaŭlenych niebiaśpiečnych AZH, u pryvatnaści, byli adznačanyja:

  • 113 vielmi niebiaśpiečnych sietak kantrabandy kakainu, 111 sietak kantrabandy roznych narkatyčnych srodkaŭ, 44 sietki kantrabandy marychuany, a taksama 10 sietak kantrabandy sintetyčnych narkotykaŭ.
  • 48 niebiaśpiečnych hrupovak pa kantrabandzie mihrantaŭ. 18 ź ich zajmajecca ŭciahvańniem ludziej u seksualnaje rabstva i handlem imi, a jašče 13 zarablaje pracoŭnym rabstvam.
  • 48 hrupovak, jakija zarablajuć arhanizavanymi kradziažami i rabavańniami majomaści. 19 ź ich kraduć transpartnyja srodki.
  • 50 hrupovak anłajn-machlaroŭ i 34 sietki, jakija zajmajucca machlarstvam z akcyznymi padatkami.

Akramia taho, Jeŭrapoł nadaŭ uvahu złačynnym sietkam z Uschodniaj Jeŭropy, u jakich taksama adznačany ŭdzieł hramadzian Biełarusi.

«Hramadzianie Uschodniaj Jeŭropy ź Biełarusi, Čechii, Vienhryi, Małdovy, Polščy, Rasii, Słavakii i Ukrainy zvyčajna znachodziacca u składzie tych hrupovak, dzie daminujuć ukraincy abo palaki. 

Kryminalnyja sietki ź pieravažna ŭkrainskim kiraŭnictvam časta składajucca z polskich, rasijskich, słavackich i biełaruskich złačyncaŭ, jakija taksama zajmajuć klučavyja pazicyi ŭ hetych hrupoŭkach. U asnoŭnym jany zajmajucca kantrabandaj tytuniu, machlarstvam z padatkami i mytniaj, anłajn-machlarstvam i niezakonnym uvozam mihrantaŭ. Čaściej za ŭsio hetyja hrupoŭki dziejničajuć u Čechii, Polščy, Słavakii, Ispanii i Ukrainie.

Što tyčycca sietak ź pieravažna polskim kiraŭnictvam, to ich asnoŭnaja dziejnaść uklučaje niezakonny abarot kanabisa, kakainu i roznych prekursoraŭ, kantrabandu tytuniu i machlarstva z padatkami. Jany zvyčajna pracujuć u Bielhii, Hiermanii, Niderłandach, Polščy, Słavakii, Ispanii i Złučanym Karaleŭstvie», — piša ŭ svajoj spravazdačy Jeŭrapoł.

Palicejskaja słužba adznačyła, što ich novy dakumient «mocna dapamoža» supraćstajańniu złačynnym hrupoŭkam pa ŭsioj Jeŭropie i što jon ŭžo byŭ adpraŭleny ŭładam krain ES.

Z poŭnym źmiestam dakumienta (na anhlijskaj movie) možna aznajomicca tut.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj27

Jak za hod źmianilisia ceny na nieruchomaść u bujnych haradach. Stalica nie ŭ lidarach rostu

Miełoni i Makron pasvarylisia nakont Ukrainy. Mierc starajecca ich pamiryć5

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić