Kijeŭ chacieŭ raŭnapraŭja i siabroŭskich adnosin z Maskvoj, «choć ciapier heta hučyć jak absurd», ale krainy stali vorahami pa vinie Rasii, miarkuje druhi prezident Ukrainy.
Rasija i Ukraina byli blizkimi narodami, ale ciapier stali vorahami, i adbyłosia heta pa vinie Maskvy, zajaviŭ były prezident Ukrainy (1994-2005) Leanid Kučma, piša RBK.
Žurnalist u razmovie z palitykam adznačyŭ, što ruskija i ŭkraincy ličacca brackimi narodami. Kučma adkazaŭ na heta, što, budučy chryścijaninam, viedaje, «što pamiž bratami byvaje niepryjaznaść i navat nianaviść», i pryvioŭ u prykład biblejski starazapavietny siužet pra Kaina i Aviela.
«Kain zabiŭ Aviela. <…> Va Ukrainy bolš niama brata. Rasija — heta Kain», — zajaviŭ jon, dadaŭšy, što «kali voraham stanovicca brat, heta horš, čym zdrada».
Adkaznaść za razburanyja stasunki pamiž dźviuma krainami Kučma ŭskłaŭ na rasijskaha prezidenta Uładzimira Pucina.
Sa słoŭ byłoha lidara, Kijeŭ zaŭsiody chacieŭ raŭnapraŭnych i siabroŭskich adnosin z Maskvoj, «choć ciapier heta hučyć jak absurd», a Rasija «dzielić usich na vorahaŭ i vasałaŭ».
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary
Akupavaŭšy narod maskoŭcy adrazu nazyvajuć jaho brackim, i cicha źniščajuć usich nacyjanalnaśviadomych.