Pa danosie čat-ruletčyka z Rasii jašče dvuch biełarusaŭ zatrymali za kamientary pra «Krokus». Adnaho ź ich mocna źbili
«A mahli i prystrelić», — pišuć hubazikaŭcy.
Padčas strymu ŭ čat-ruletcy z rasijskim błohieram-danosčykam ź niknejmam «Pałyč», jaki vydaŭ siabie za ŭkrainca, biełarus vykazaŭsia pra achviar u «Krokusie». Jon siadzieŭ ź siabram na fonie nacysckaha ściažka, abodva, vyhladaje, byli mocna napadpitku, demanstravali taksama nacysckaje pryvitańnie. Na pytańnie, što jany adznačajuć (jany pili harełku ź vialikaj butelki), jany adkazali: «Terakt u «Krokus Sici Chole».
Siońnia mužčyn zatrymali. Adnaho ź ich vielmi mocna źbili — akramia apuchłaha tvaru, ź jahonaha rota ciakła kroŭ.
«U hety raz abyšlisia biez vucha, ale jość niuans», — tak ździekliva žartuje z hetaj nahody kanał «Biełaruski siłavik».
Siłaviki pakazvajuć, što ŭ adnaho z zatrymanych, akramia ŭkrainskaj simvoliki, adšukali jašče nieanacysckuju — ściahi sa svastykaj, knihi na temu Treciaha rejcha i fanackija nalepki.
«Naša Niva» — bastyjon biełaruščyny
PADTRYMAĆCiapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
- tyja, chto pad hazam niešta havoryu (chaj i nieprymalnaje) dy demanstravau nacysckija ściažki
- albo tyja h.z. łukašysckija "supracouniki pravaachounych orhanau", jakija zbili ludziej da niepaznavalnasci dy žartavali z katavańniach, jakija rabili pucinskija apryčniki, jakija ničym nie lepiej za teraryctau z krokusa?
Darečy, kanał "Biełaruski siłavik" dobra viadomy (praz uzhadvańnie u rolikach Majkła Naki) padtrymkaj Z-ahresii, jakuju rasieja zdiejsniła suprać Ukrainy, i vajennych złačynstvau, jakija rasiejkija akupanty sistemna zdiejśniajuć pad čas hetaj vajny.