U ahraharadku Siamienča Žytkavickaha rajona zhareła hniazdo busłoŭ, što było na apory elektrapieradač, paviedamlaje rajonnaja hazieta «Novaje Paleśsie». Zdareńnie adbyłosia nočču 11 krasavika.
«Ratavalniki spracavali apieratyŭna. Busły, darečy, taksama…» — piša vydańnie.
Pa słovach miascovych žycharoŭ, u busłoŭ hatova novaje žyllo. Inšych padrabiaznaściaŭ nie paviedamlajecca.
U Biełarusi hniazdujecca bolš za 20 tysiač par biełaha busła. Čaściakom dla budaŭnictva svaich hniozdaŭ ptuški vybirajuć apory linij elektrapieradačy.
Kožny hod busły dabudoŭvajuć i ramantujuć svaje hniozdy, pavialičvajučy ich vahu na niekalki dziasiatkaŭ kiłahramaŭ. Padvyšanyja ryski stvarajuć šmathadovyja hniozdy vahaj 300 kh i bolš. U vyniku jany mohuć pryvieści da abryvu pravadoŭ.
Enierhietyki ŭ 2024 hodzie źbirajucca pastavić na aporach ŁEP bolš za 200 płatform dla hniezdavańnia busłoŭ, paviedamlali u Minenierha.
Štučnyja płatformy dla hniozdaŭ zabiaśpiečvajuć kamfort dla busłoŭ i vyklučajuć pieraboi ŭ elektrazabieśpiačeńni. Raboty pa ich ustanoŭcy vykonvajucca ŭ čas rekanstrukcyi i budaŭnictva elektrasietak.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary