Śviataroŭ z Šumilina sudzili dystancyjna, a zatrymali nie tolki ich
Sud nad zatrymanymi ŭ Šumilinie katalickimi śviatarami Andžejem Juchnievičam i Paŭłam Lemiecham adbyŭsia 10 traŭnia dystancyjna. Jak raskazali vierniki vydańniu Katolik.life, zatrymanych nie pryvozili ŭ sud i razhladali ich administracyjnuju spravu praz skajp.
Vynik suda viernikam i duchavienstvu nie paviedamili, adnak viadoma, što śviatary zastajucca ŭ źniavoleńni — heta značyć, im byŭ prysudžany administracyjny aryšt.
Ajciec Andžej Juchnievič i ajciec Pavieł Lemiech z ordenu Misijanieraŭ abłataŭ Biezzahannaj Maryi, jakija słužać u dyjacezijanalnym sanktuaryi ŭ Šumilinie, byli zatrymanyja ŭ Šumilinie 8 traŭnia.
Paviedamleńni adnosna źniavolenych śviataroŭ vypuściła polskaja pravincyja Misijanieraŭ-abłataŭ. Jana zaprasiła da malitvy «ŭ suviazi ź ciažkim stanoviščam» dvuch misijanieraŭ, jakija byli zatrymanyja, adznačajecca ŭ kamunikacie.
Supolnuju malitvu Ružanca pryznačyli na viečar 10 traŭnia «ŭ intencyi vyzvaleńnia subratoŭ». Z hetaha taksama vynikaje, što śviatary zastajucca za kratami. Zaniepakojenaść situacyjaj i svaju salidarnaść vykazaŭ z Ryma hienierał kanhrehacyi.
Raniej polskaja pravincyja paviedamlała, što pavodle jaje źviestak padstavaj zatrymańnia stała padazreńnie ŭ niejkaj «dyviersijnaj dziejnaści».
Katolik.life źviazaŭsia z pravincyjaj z prośbaj patłumačyć, što majecca na ŭvazie, bo ŭ polskaj movie dywersyjna działalność moža mieć roznyja sensy. Adnak tam adkazali, što nie mohuć paviedamić ničoha, akramia aficyjna apublikavanaj infarmacyi.
Akramia taho, Katolik.life raskazali pra jašče adno zatrymańnie ŭ Šumilinie.
U toj ža dzień, kali siłaviki pryjechali da śviataroŭ, tolki na niekalki hadzin raniej, pa miescy pracy zatrymali śvieckuju viernicu, parafijanku kaścioła ŭ Šumilinie. Heta maładaja žančyna, piedahoh, udzielnica dušpastyrstva moładzi Viciebskaj dyjacezii, raniej była vakalistkaj muzyčnaha hurta. Ciapier jana taksama znachodzicca ŭ źniavoleńni ŭ Viciebsku.
Darečy, niahledziačy na źniavoleńnie, akaŭnty zatrymanych u sacyjalnych sietkach byli aktyŭnymi ŭdzień 10 traŭnia.
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary