Hramadstva88

Radzimu naviedaŭ adziny ŭ śviecie biełarus-kamielduł. A chto takija kamielduły?

Adziny ŭ śviecie biełarus-kamielduł naviedaŭ svoj rodny horad — Vaŭkavysk. Kamielduły — małaraspaŭsiudžanaja katalickaja manaskaja kanhrehacyja z najbolš strohim ładam žyćcia. Sustreć manachaŭ hetaha ordena amal niemahčyma — jany pakidajuć klaštar tolki ŭ vyklučnych vypadkach i žyvuć adasoblenym žyćciom. Usiaho va ŭsim śviecie ciapier tolki kala 50 kamieldułaŭ, i adzin ź ich — ajciec Jan ź Biełarusi, piša Katolik.life.

Pad'jom u 3:30, maŭčańnie i nijakich hadžetaŭ. Adziny ŭ śviecie biełarus kamielduł naviedaŭ rodny horad

Źleva — ajciec Jan, sprava — daminikaniec z Mahilova Raman Šulc, jaki apublikavaŭ heta fota

Jak raskazali parafijanie katalickaj parafii śviatoha Vacłava ŭ Vaŭkavysku, adkul pachodzić ajciec Jan, jahonaje śvieckaje imia — Eduard Sakałoŭski. Jašče ŭ pačatku 2000-ch hadoŭ jon pryjšoŭ u orden, u 2020 hodzie pryniaŭ śviatarskaje paśviačeńnie. 

55-hadovy ajciec Jan žyvie ŭ klaštary kamieldułaŭ u polskim Krakavie. I tolki ciapier jon atrymaŭ mahčymaść pryjechać u rodnuju parafiju, kab 28 krasavika 2024 hoda celebravać tut prymicyjnuju (pieršuju paśla taho, jak staŭ śviatarom) śviatuju Imšu.

Ajciec Jan — u centry. Fota: Vaŭkavyskaja parafija

Šlach manaskaha žyćcia Eduard abraŭ paśla taho, jak trapiŭ u surjoznuju aŭtakatastrofu i vyžyŭ paśla jaje. Bolš pra jaho ničoha nie raskazvajuć praz zakryty charaktar jahonaha žyćcia.

«Pamiataju, jak jon raniej prychodziŭ u kaścioł — vielmi pabožna i zasiarodžana maliŭsia, šukaŭ Boha i adpraviŭsia mienavita ŭ hety orden», — padzialiłasia viernica.

Kamielduły (abo kamieduły, kamalduły) — heta adzin z samych surovych, izalavany ad śvietu orden, jakomu ŭžo bolš za 1000 hadoŭ. Manachi žyvuć pa staražytnym statucie śviatoha Bieniedykta i ŭ adpaviednaści z surovymi patrabavańniami pustelnickaha žyćcia pa prykładu śviatoha Ramualda.

Asnoŭnymi asablivaściami statuta źjaŭlajucca strohija pasty, adasobleny ład žyćcia, zarok maŭčańnia, praktyka načnoha čytańnia Liturhii hadzin. Charyzmaj ajcoŭ źjaŭlajecca malitva za tych, chto naohuł nie molicca i nie dumaje pra Boha.

Dzień u klaštary pačynajecca ŭ 3:30, rasparadak uklučaje nie tolki malitvu, duchoŭnyja čytańni, ale i fizičnuju pracu pa haspadarcy. Praca, malitva, čytańnie, razvažańnie, pakajańnie, post, adzinota i pastajannaje maŭčańnie słužać dla poŭnaha jadnańnia z Boham na šlachu vyratavańnia siabie i inšych.

Klaštar u Krakavie, u jakim žyvie ajciec Jan

Kožny brat vykonvaje zarok maŭčańnia i žyvie ŭ svajoj pustelnickaj kielli (abo ŭłasnym asobnym damku), pakidajučy jaje tolki dla ahulnaj malitvy. Ježu kamielduły taksama, jak praviła, prymajuć u svaich kiellach, nie jaduć miasa. Razmaŭlajuć vyklučna ŭ vypadkach krajniaj nieabchodnaści. U klaštary niama radyjo, telebačańnia, hadžetaŭ, nie praktykujecca vychad za miežy terytoryi klaštara, nie praduhledžanyja vakacyi i naviedvańni svajakoŭ.

Usio heta manachi robiać pa svajoj voli ź lubovi da Boha. U toj ža čas u śviecie, u tym liku ŭ Biełarusi, isnuje mnostva inšych manaskich kanhrehacyj, jakija viaduć bolš adkryty ład žyćcia, apostalskuju dziejnaść: franciškancy, daminikancy, salezijancy i inšyja.

Kamientary8

  • -_-
    29.04.2024
    "U klaštary niama radyjo, telebačańnia, hadžetaŭ, nie praktykujecca vychad za miežy terytoryi klaštara"
    i nijakija ciabie ni vojny, ni represii i inš. nie chvalujuć. lepota
  • Lalka
    29.04.2024
    [Red. vydalena]
  • Lalka
    29.04.2024
    Chuč, dy nie spali jany ŭ trunach. Heta mit
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Fatohraf-ahient Miščuk raskazaŭ svaju viersiju taho, što adbyłosia4

Fatohraf-ahient Miščuk raskazaŭ svaju viersiju taho, što adbyłosia

Usie naviny →
Usie naviny

«Užo nie viedaješ, kudy źviartacca». Baćka Anžaliki Mielnikavaj raskazaŭ, što jamu viadoma pra dačku20

Nastaŭnica z Kobryna rasčuliła tyktok videa ź listami ad baćkoŭ

Uvodziacca novyja praviły dla aŭtamabilnych parkovak2

«Kali pozvu adpravili pamyłkova, hramadzianin pavinien heta dakazać». U Homieli ŭ milicyju vyklikajuć tych, chto nie parušaŭ zakon4

Siłaviki pahražajuć komiku Usoviču, jaki pryjechaŭ adpačyć na Narač6

Jak u mieduniviersitetach vyrasła kolkaść metavikoŭ za apošnija hady — źmieny istotnyja

Prezident Litvy pazbaviŭ palityka, jaki niadaŭna jeździŭ u Minsk, dziaržaŭnaj uznaharody2

«Anioł» šukaje čałavieka, jaki źnik bolš čym čverć stahodździa tamu

Vice-premjery atrymajuć dadatkovyja paŭnamoctvy1

bolš čytanych navin
bolš łajkanych navin

Fatohraf-ahient Miščuk raskazaŭ svaju viersiju taho, što adbyłosia4

Fatohraf-ahient Miščuk raskazaŭ svaju viersiju taho, što adbyłosia

Hałoŭnaje
Usie naviny →

Zaŭvaha:

 

 

 

 

Zakryć Paviedamić