Raniej Łukašenka zajaŭlaŭ, što daručyŭ siłavikam zabiaśpiečyć achovu Tomaša Šmita.
Były polski sudździa Tomaš Šmit, imavierna, žyvie ŭ pasiołku Drazdy. Takuju vysnovu možna zrabić pa tych fota, jakija jon publikuje ŭ svaim błohu ŭ X, robić vysnovu Reform.news.
U paniadziełak jon apublikavaŭ niekalki fatahrafij ź Minska. Pieršaje fota jon raźmiaściŭ u 13:20 i napisaŭ: «Pryvitańnie z «parku Drazdy». Druhoje fota zroblena ŭ restaranie «Lebiadziny» ŭ 14:55. Šmit padpisaŭ jaho «čas abiedu».
Restaran znachodzicca za try kiłamietry ad parku i źjaŭlajecca miescam adpačynku nabližanych Łukašenki.
Raniej Łukašenka zajaŭlaŭ, što daručyŭ siłavikam zabiaśpiečyć achovu Tomaša Šmita.
Sudździa Vajavodskaha administracyjnaha suda Varšavy Tomaš Šmit źbieh u Biełaruś i zajaviŭ 6 maja ŭ Minsku, što padpisaŭ zajavu ab adstaŭcy «z pryčyny niazhody z palitykaj i dziejańniami ŭładaŭ». Jon taksama paprasiŭ prytułku ŭ Biełarusi.
U polskich ŚMI Šmit zhadvajecca ŭ suviazi «chiejterskaj afioraj» 2019 hoda — skandałam z napadkami na niezaležnych sudździaŭ. U dačynieńni da Šmita ŭ Polščy raspačataje rasśledavańnie pa parahrafie 2 artykuła 130 Kryminalnaha kodeksa Polščy (špijanaž). Pakarańnie praduhledžvaje ad 8 hadoŭ da pažyćciovaha pazbaŭleńnia voli.
Dyscyplinarny sud pry Vyšejšym administracyjnym sudzie Polščy pryniaŭ pastanovu ab dazvole kryminalnaha pieraśledu Šmita, pazbaviŭ jaho imunitetu, dazvoliŭ zatrymańnie i časovy aryšt i adchiliŭ ad vykanańnia abaviazkaŭ.
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh
U Polščy raskazali, jak sudździa Šmit zajechaŭ u Biełaruś. Turcyja ni pry čym
«Na jaho žyćcio palujuć ahienty CRU, a jon hulaje pa Minsku, prosta sarvihałava»
«Padpisali treci padzieł Rečy Paspalitaj». Biehły polski sudździa naviedaŭ Hrodna
Łukašenka zajaviŭ, što polskaha deziercira Čečku zabili
Ciapier čytajuć
Łukašenka daručyŭ Ryžankovu pačać pieramovy ź litoŭcami4
Kamientary