Zdaroŭje22

Dyzajnier Byčkoŭski pachudzieŭ sa 165 da 85 kh. Heta ŭžo jaho treciaja vajna z vahoj — što dapamahaje nie sarvacca ciapier?

Jaŭhien Byčkoŭski — viadomy dyzajnier rodam z Baranavič. Sumki ad BYCKOVSKI jość u harderobie mnohich biełaruskich modnic. Akramia prafiesijnaj dziejnaści, Jaŭhien zaŭsiody aktyŭna vioŭ łajfstajł-błoh, dzie, siarod inšaha, raskazvaŭ pra svaje sproby pachudzieć. «Ja dvojčy chudzieŭ i nabiraŭ vahu znoŭ. Ciapier jana dva hady płavaje na ŭzroŭni ad 82 da 87 kiłahramaŭ, da ich ja pryjšoŭ pryblizna za hod, startavaŭšy ź ličby 165». Trymacca na hety raz Byčkoŭskamu dapamahaje novaja fiłasofija, jakuju jon vyvieŭ sam dla siabie. Z čaho jana składajecca?

Jaŭhien da i paśla pachudzieńnia.

«Mnie stała ahidna ad taho, što ja prosta spažyviec. Što žyvoje vakoł pamiraje dziela taho, kab ja moh zališnie jeści. Heta tak ehaistyčna», — dzielicca ŭ błohu Jaŭhien.

Jon arhanizavaŭ sistemny deficyt kałoryj, admoviŭsia ad hazirovak i sousaŭ i ŭpieršyniu sfarmulavaŭ dla siabie metu nie prosta «pabačyć strojnaje cieła», a imknucca da taho, što budzie za hetaj kropkaj.

Watch on TikTok

«U niejki momant ja asensavaŭ: kali ŭ hety raz nie schudnieju tak, kab bolš nie taŭścieć, usio heta budzie biaskoncym praklonam u maim žyćci. Ja zaŭvažaŭ, što toje samaje adbyvajecca ź inšymi.

Stała zrazumieła, što metaj pavinna być nie pachudzieńnie, a niešta bolšaje, što pavinna macavać i padšturchoŭvać da dalejšaha šlachu. Dla siabie ja sfarmulavaŭ heta tak: celić miačom nie ŭ bramu, a ŭ toje, što za joj.

Adšukaŭšy dla siabie hetu kropku, ja zmoh nie tolki schudnieć, ale ŭžo i dva hady trymać siabie ŭ formie biez stresu i strachu pra toje, što ŭsio moža viarnucca. Ja zrazumieŭ, što pachudzieńnie — zanadta prostaje zadańnie. Chutka jaho vykonvajučy, ludzi, čaściej za ŭsio, nie znachodziać paŭnavartasnaha ščaścia i rasčaroŭvajucca. Biez abhruntavańnia «navošta heta vam», biez adkazu na hetaje pytańnie, pachudzieńnie budzie prosta praciaham vašaj chvaroby… Važna mieć žadańnie na razmovu z samim saboj», — patłumačyŭ u tyktoku sens svajoj fiłasofii Jaŭhien.

Watch on TikTok

Pry hetym chłopiec ničoha nie zabaraniaje sabie ź ježy, ale starajecca prytrymlivacca deficytu kałoryj.

«Pytalisia, ci nie prybiahaŭ ja da płastyki — nie, i nie źbirajusia. Dla mianie było ščaściem, kali vahi, jakija byli raźličanyja na 150 kiłahramaŭ, pierastali vydavać pamyłku i pakazali ličbu 149 kiłahramaŭ. Ale ja razumieju, što kali ty 20 hod byŭ toŭstym, to mała pachudzieć, treba pražyć stolki ž hod chudym — pryzvyčaicca być novym, z novymi zvyčkami», — ščyra pryznajecca dyzajnier.

Varta adznačyć, što praces čarhovaj fizičnaj transfarmacyi Jaŭhiena vypaŭ na niaprosty depresiŭny čas u emihracyi: try hady tamu jon razam z žonkaj i maleńkaj dačkoj Šanel pierajechaŭ u Varšavu.

«Žyćcio ŭ novaj krainie — heta sacyjalnaja śmierć. A ŭ niejki čas ja złaviŭ niešta kštałtu zornaj chvaroby — dumałasia, što śviet krucicca vakoł mianie. U mianie byŭ biznes, błoh na 80 tysiač čałaviek, jaki stabilna prynosiŭ dźvie tysiačy dalaraŭ…» — raskazvaje Jaŭhien.

Na novym miescy pryjšłosia pačynać z nula, vučyć movu, šukać novyja znajomstvy. Akramia taho, užo ŭ emihracyi ŭ siamji naradziłasia druhoje dzicia — syn Iłaryjon. Usie hetyja vykliki pahruzili dyzajniera ŭ depresiju, jon zakinuŭ svoj błoh i nie viedaŭ, kudy ruchacca dalej. Vyratavała zaroblenaja raniej paduška biaśpieki.

«Kali ŭ 18 hod ja spuskaŭsia ŭ padvał i pačynaŭ šyć, a maje adnahodki ŭ hety momant tusili, ja taksama tak chacieŭ. Ale ŭ vyniku praca padrychtavała mianie da takoha vychadu na «piensiju». Ja moh spakojna ŭziać paŭzu na padumać: mahčymaść mieć čas na pryniaćcie rašeńnie ŭ našym chutkim śviecie — sapraŭdnaja raskoša».

Siamja Byčkoŭskich. Fota: vikaramiksa

Siońnia Jaŭhien užo nie maje dačynieńnia da raźvićcia brenda sumak BYCKOVSKI, jaki funkcyjanuje ŭ Biełarusi i Rasii. Niekatoryja jaho vyraby možna kupić u varšaŭskim kancept-story TFH. Jaŭhien spadziajecca, što chutka tam źjavicca jaho ŭłasny dyzajnierski kutok z novymi rečami, bo ŭ momant svajoj sacyjalnaj paŭzy jon šmat ekśpierymientavaŭ, vučyŭsia, čytaŭ, zavodziŭ karysnyja znajomstvy ŭ śfiery mody.

Akramia taho, jon dapamahaje raźvivać brend adzieńnia žonki — kašuli, žakiety i aksesuary Karamiksa. Taksama paśla viartańnia ŭ anłajn błohier paradavaŭ padpisantaŭ anonsam pracy nad rukapisam — jaho budučaja knižka raskaža pra pamyłki i pośpiechi na šlachu stvareńnia ŭłasnaha brenda.

Kamientary2

  • daviedka
    19.05.2024
    [Red. vydalena]
    • daviedka
      19.05.2024
      Red,, nie poniał? Franok Viečiorko riealno silno pochudieł v poślednieje vriemia, a vy postitie staťji na etu tiemu.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ1

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Usie naviny →
Usie naviny

«Rak prosta zdarajecca. Nichto ŭ im nie vinavaty»22

Navukoŭcy Akademii navuk nazvali spraviadlivuju canu na biełaruskuju bulbu9

U Vjetnamie karalevu pryhažości aryštavali za padman z cukierkami

Zatrymali 11 mieniedžaraŭ sietki sekand-chendaŭ «Adzieńnie ź Jeŭropy»6

Pad Minskam źjavicca novaja daroha. Jaje košt aceńvajecca ŭ miljon dołaraŭ2

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»26

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

bolš čytanych navin
bolš łajkanych navin

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ1

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić