MZS Rasii abviaściŭ, što pasoł krainy ŭ Armienii Siarhiej Kapyrkin byŭ vyklikany ŭ Maskvu dla kansultacyj. Inšych detalaŭ u paviedamleńni nie pryvodzicca — nie ŭkazanaja i pryčyna takoha rašeńnia, piša RBK.
Adnosiny Rasii i Armienii zastajucca niaprostymi. Pryčyna palahaje ŭ tym liku ŭ kanflikcie Armienii i Azierbajdžana. Jerevan nastojvaje, što padčas jaho apošnich abvastreńniaŭ u 2020 i 2023 hadach Maskva nie akazała nieabchodnuju dapamohu, choć abodva baki źjaŭlajucca členami Arhanizacyi Damovy ab kalektyŭnaj biaśpiecy (ADKB).
U lutym Pašynian zajaviŭ, što členstva krainy ŭ ADKB faktyčna zamarožanaje. U mai Jerevan spyniŭ finansavać arhanizacyju, a niekalki dzion tamu armianski premjer taksama abvinavaciŭ dźvie krainy ADKB u padrychtoŭcy vajny ŭ Karabachu.
«Hetyja krainy stvaryli imitacyju taho, što dapamahajuć nam, ale ja chaču skazać, što taja vajna była nie praz Nahorny Karabach, jana była pra toje, kab Armienija ničoha ź siabie nie ŭjaŭlała», — skazaŭ Pašynian, nie ŭdakładniŭšy, pra jakija krainy idzie havorka.
Nikoł Pašynian skazaŭ, što niejkija dźvie krainy ADKB dapamahali ŭ karabachskim kanflikcie Azierbajdžanu
Pašynian nie zastaŭsia na Parad Pieramohi ŭ Maskvie i nočču paśla sustrečy z Pucinym palacieŭ dadomu
U Kramli Pašynian uźbieh na leśvicu, a Łukašenka pajechaŭ liftam
Pašynian pryhraziŭ zabłakavać u Armienii rasijskija telekanały
Pašynian zaklikaŭ admovicca ad «histaryčnaj Armienii» na karyść realnaj Armienii
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary