U Biełarusi začyniajucca kramy polskaha abutku. Pryčyny — zabarona na ŭvoz tavaraŭ
Kramy polskaha abutku Wojas paviedamili, što raspradajuć kalekcyi i spyniajuć pracu. Na heta źviarnuŭ uvahu Smartpress.
U paviedamleńni kampanii skazana, što pryčynaj zakryćcia kramaŭ stała rašeńnie ŭrada Biełarusi pašyryć śpis tavaraŭ, jakija jurydyčnyja asoby nie mohuć uvozić z Polščy, Łatvii, Litvy, Čechii i Estonii i pradavać na terytoryi našaj krainy.
Zabarona na bolšaść tavaraŭ dziejničaje z 3 červienia. U śpisie ŭ tym liku pakazany abutak z padešvaj z humy, płastmasy, naturalnaj abo kampazicyjnaj skury i ź viercham z naturalnaj skury z Polščy.
Abmiežavańnie nie tyčycca tavaraŭ, jakija fizičnyja asoby viazuć u krainu dla asabistaha karystańnia.
U Minsku kramy Wojas pracujuć u handlovych centrach «Zamak», «Hryn Sici» i «Ekspabieł». Datu zakryćcia pakul nie nazyvajuć.
Kamientary