Litoŭskaja dziaržbiaśpieka rasśleduje pytańnie mahčymaj suviazi kampanii, źviazanaj z vyrabam pašpartoŭ Novaj Biełarusi, z režymam Łukašenki
Departamient dziaržbiaśpieki Litvy aceńvaje infarmacyju, jakaja źjaviłasia ŭ ŚMI, što kampanija Garsų pasaulis, jakaja źviazanaja z vyrabam litoŭskich pašpartoŭ, moža być źviazanaja z režymam Łukašenki.
Pra toje, što kampanija, jakaja prapanoŭvała svaje pasłuhi druku «pašparta Novaj Biełarusi», źviazanaja ź biznesoŭcam Viktaram Šaŭcovym, nabližanym da Łukašenki, pisaŭ u svaim niadaŭnim rasśledavańni Biełaruski rasśledavalnicki centr.
«Źviartajem uvahu, što dziejańni Departamienta dziaržaŭnaj biaśpieki jak orhana, jaki zabiaśpiečvaje biaśpieku sakretnych ździełak pa acency nadziejnaści pastaŭščykoŭ i danyja, atrymanyja ŭ chodzie acenki, nie apubličvajucca», — havorycca ŭ kamientaryi Departamienta.
Pavodle infarmacyi viedamstva, Departamient raniej pravodziŭ acenku nadziejnaści Garsų pasaulis u adpaviednaści sa svajoj kampietencyjaj, adnak pry vyśviatleńni novych abstavin acenka moža być źmienienaja, a vydadzieny siertyfikat pastaŭščyka moža być adklikany.
Načalnik departamienta stratehičnaj kamunikacyi MUS Litvy Mindaŭhas Bajarunas adznačyŭ, što mienavita jahonaje viedamstva źviarnułasia ŭ Departamient dziaržbiaśpieki paśla taho, jak datyčnaja Garsų pasaulis infarmacyja źjaviłasia na navinavych partałach.
Pry hetym u śpiecsłužbie admovilisia kamientavać spravu hramadzianina Biełarusi Mikity Zabuhi, jaki vystupiŭ pasiarednikam pamiž Garsų pasaulio i Abjadnanym pierachodnym Kabinietam Biełarusi ŭ pieramovach pa vyrabie pašparta novaj Biełarusi.
«Zakazny artykuł z metaj dyskredytacyi». Hieroj rasśledavańnia pra pašpart Novaj Biełarusi raskazvaje svaju viersiju padziej
Valer Kavaleŭski prakamientavaŭ rasśledavańnie BRC, datyčnaje prajekta pašparta Novaj Biełarusi
Kampanija, jakaja prapanoŭvała svaje pasłuhi druku «pašparta Novaj Biełarusi», źviazanaja ź biznesoŭcam, nabližanym da Łukašenki
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary