U chutkim časie analiz na rak prastaty možna budzie zrabić pa ślinie
Vučonyja abiacajuć, što prosty test na PSA moža budzie zrabić doma. Dakładnaść jaho značna vyšejšaja, čym u tradycyjnaha.
Jak piša vydańnie Daily Mail, u chutkim časie mužčyny zmohuć prajści abśledavańnie na rak prastaty ŭ chatnich umovach z dapamohaj prostaha analizu śliny zamiest taho, kab zdavać kroŭ u miedustanovie. Tanny test, jaki vyjaŭlaje hienietyčnyja markiery raku ŭ DNK ludziej, pakazaŭ značnuju efiektyŭnaść u paraŭnańni z tradycyjnym analizam kryvi.
Jak paviedamlaje vydańnie, navukoŭcy ź Instytuta daśledavańnia raku ŭ Łondanie i Karaleŭskaha fondu Marsdena NHS aprabavali test na 6142 mužčynach va ŭzroście 55—69 hadoŭ. Paddoślednyja sami źbirali ŭzory śliny, jakija zatym praviaralisia na najaŭnaść 130 hienietyčnych varyjacyj, jakija karelujucca z rakam prastaty.
Mužčyny, jakija nabrali najbolšuju kolkaść bałaŭ (prykładna 10%), byli zaprošanyja na dalejšaje abśledavańnie, jakoje ŭklučaje MRT z nastupnaj bijapsijaj prastaty. Ź ich kala 558 byli adpraŭlenyja na dalejšaje testavańnie. U vyniku ŭ 187 (40%) byŭ dyjahnastavany rak prastaty.
Vučonyja źviartajuć uvahu, što pry tradycyjnaj zdačy analizu na ankamarkiory PSA (prostate-specific antigen) zachvorvańnie dyjahnastujecca tolki ŭ 25% tych, u kaho hety pakazčyk istotna pieravyšaje normu.
Akramia hetaha, novy test dazvoliŭ vyjavić bolš ahresiŭnyja vidy raku, čym test na PSA. Tak z 187 čałaviek, u jakich było vyjaŭlena zachvorvańnie, u 55,1% jano mieła ahresiŭnuju formu. Siarod tych, u kaho rak byŭ vyjaŭleny dziakujučy testu na PSA, ahresiŭnaja forma była ŭ 35,5%.
Druhim stanoŭčym vynikam stała toje, što novy test pryvioŭ da mienšaj kolkaści pamyłkova stanoŭčych vynikaŭ u paraŭnańni z testam na PSA. Što dazvalaje admovicca ad praviadzieńnia dadatkovych i darahich testaŭ.
Vučonyja spadziajucca, što z dapamohaj hetaha testu možna budzie palepšyć dyjahnostyku raku prastaty. Adnak patrabujucca jašče dadatkovyja daśledavańni hienietyčnych markioraŭ, jakija źviazanyja z ryzykaj raku prastaty ŭ roznych etničnych hrup nasielnictva, kab harantavać, što novy test moža prynieści karyść usim mužčynam.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary